ମୁମ୍ୱାଇ : ‘ଯେପର୍ଯ୍ୟନ୍ତ ଶେଷ ଶ୍ରମିକଟିଏ ଘରକୁ ଫେରିନାହିଁ, ସେ ପର୍ଯ୍ୟନ୍ତ ମୁଁ ଚୁପ୍ ହୋଇ ବସିବି ନାହିଁ।’ ଆମେ ନୁହେଁ, ଏକଥା କହିଛନ୍ତି, ବଲିଉଡ୍ ଅଭିନେତା ସୋନୁ ସୁଦ୍। ପ୍ରବାସୀ ଶ୍ରମିକଙ୍କ ପାଇଁ ଏବେ ଦେବଦୂତ ସାଜିଛନ୍ତି ସୋନୁ। ଲକଡାଉନରେ ସୋନୁଙ୍କର ଏହି କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି।
ସୋନୁଙ୍କ ପ୍ରତି ବଢୁଥିବା ଲୋକପ୍ରିୟତାକୁ ନେଇ ଜଣେ ଫ୍ୟାନ୍ ଅଭିଷେକ କୁଶୱାହା ସୋନୁଙ୍କ ପାଇଁ ଗୀତଟିଏ ଗାଇଛନ୍ତି। ଫିଲ୍ମ ‘ଜାନବାଜ୍’ର ‘ତେରା ସାଥ୍ ହୈ କିତନା ପ୍ୟାର’ ଗୀତ ଆଧାରରେ ଅନ୍ୟ ଏକ ଗୀତଗାଇ ସୋନୁଙ୍କୁ ଡେଡିକେଟ୍ କରିଛନ୍ତି ଅଭିଷେକ। ଏହାକୁ ସେ ସୋଶାଲ ମିଡିଆରେ ଶେଆର୍ କରିଛନ୍ତି। ଗୀତର ଗୋଟିଏ ଧାଡ଼ିରେ ସେ ଗାଇଛନ୍ତି, ‘ସୋନୁ ସୁଦ୍ ଜୈସା ନେହିଁ ହୈ କୋଇ ଇନ୍ସାନ୍, ଦୁଖିୟୋଁ କା ଦୁଖ୍ ବାଣ୍ଟ ଦେ, ହୈଁ ୱୋ ବଡେ ମହାନ୍। ଉନ୍କୋ ଜୋ ଭି ପୁକାରେ, ଉସେ ଦେତେ ସାହାରେ।’
भैया आशीर्वाद चहिये🙏🙏 pic.twitter.com/btU5gZGMEK
— Abhishek Kushwaha🇮🇳 (@abhishek199093) June 4, 2020
ଗୀତଟିକୁ ସୋନୁଙ୍କୁ ଟ୍ୟାଗ କରି ଅଭିଷେକ ‘ଭାଇ ତୁମର ଆଶୀର୍ବାଦ ଦରକାର ବୋଲି ଲେଖିଛନ୍ତି।’ ଭିଡିଓଟିକୁ ସୋନୁ ଦେଖିବା ପରେ ଖୁସି ହୋଇ ପ୍ରତିକ୍ରିୟା ମଧ୍ୟ ଦେଇଛନ୍ତି। ସେ ଲେଖିଛନ୍ତି, ‘ଏତେ ଭଲ ଗାଇବ ତ ମୁଁ ତୁମକୁ ଘରୁ ଉଠାଇ ମୁମ୍ୱାଇ ନେଇଆସିବି। ପରେ ଯେତେ କହିଲେ ବି ଘରକୁ ଛାଡ଼ିବି ନାହିଁ। ଯଦି ଘରକୁ ପଠାଇ ପାରୁଛି, ଆଣି ମଧ୍ୟ ପାରିବି।’
Bhai . इतना अच्छा गाओगे तो मैं आपको घर से उठाके मुंबई के आऊँगा। फिर कितना भी बोलना कि घर जाना है। घर जाने नहीं दूँगा। भेज सकता हूँ तो ला भी सकता हूँ ❤️😂 https://t.co/sjt63clpDM
— sonu sood (@SonuSood) June 4, 2020
ସେହିପରି ଅନେକ ୟୁଜର ଅଭିଷେକଙ୍କର ଏହି ଗୀତ ଓ ସ୍ୱରକୁ ପ୍ରଶଂସା କରିଛନ୍ତି। ପ୍ରବାସୀ ଶ୍ରମିକଙ୍କୁ ସେମାନଙ୍କ ଘରେ ପହଞ୍ଚାଇବା ପାଇଁ ସୋନୁ ଏକ ଟୋଲ୍ ଫ୍ରୀ ନମ୍ୱର ଜାରି କରିଛନ୍ତି। ଏତିକି ନୁହେଁ, ସୋନୁ ପଞ୍ଜାବ ଡାକ୍ତରଙ୍କୁ ୧୫୦୦ ପିପିଇ କିଟ୍ ଡୋନେଟ୍ କରିଛନ୍ତି। ଏପରିକି ମୁମ୍ୱାଇରେ ସ୍ୱାସ୍ଥ୍ୟ କର୍ମୀମାନେ ରହିବା ପାଇଁ ହୋଟେଲର ବ୍ୟବସ୍ଥା ମଧ୍ୟ କରିଛନ୍ତି।