ମୁମ୍ବାଇ: କଙ୍ଗନାଙ୍କ ଆଗାମୀ ଫିଲ୍ମ ‘ମଣିକର୍ଣ୍ଣିକା- ଦ କୁଇନ୍ ଅଫ୍ ଝାନ୍ସି’ର ଟିଜର ରିଲିଜ୍ ହୋଇଯାଇଛି। ଏହାକୁ ଗାନ୍ଧି ଜୟନ୍ତୀ ଭଳି ଖାସ୍ ଦିନରେ ରିଲିଜ୍ କରାଯାଇଛି। ଏହି ଫିଲ୍ମଟି ଜାନୁଆରୀ ୨୫ରେ ରିଲିଜ୍ ହେବ।
ଟିଜରରେ କଙ୍ଗନାଙ୍କ ଜବରଦସ୍ତ ଆକ୍ସନ ଦେଖିବାକୁ ମିଳିଛି। ଦୁଇ ମିନିଟ୍ର ଏହି ଟିଜରରେ ଆରମ୍ଭରୁ ଶୁଣିବାକୁ ମିଳୁଛି ଅମିତାଭ୍ ବଚ୍ଚନଙ୍କ ସ୍ୱର।
ସେ କହିଛନ୍ତି, ‘‘ଭାରତ ବର୍ଷ, ଏକ ମହାନ୍ ସଭ୍ୟତା, ଯେଉଁଠି ମାଟି ବି ସୁନା ଥିଲା। ହୃଦୟର ଦ୍ୱାର ସବୁ ଅତିଥିଙ୍କ ପାଇଁ ଖୋଲାଥିଲା। ଗୋଟିଏ ଦିନ ଏହି ଦ୍ୱାର ଦେଇ ପଶି ଆସିଲେ ସଇତାନ୍ ପ୍ରବୃତ୍ତିର କିଛି କ୍ରୁର । ସେ ସମୟରେ ଏହି ମାଟିର ଗର୍ଭରୁ ଜନ୍ମି ଛିଡ଼ା ହୋଇଥିଲା ମଣିକର୍ଣ୍ଣିକା।”
ଟିଜରରେ କଙ୍ଗନାଙ୍କ ଆକ୍ସନଠୁ ନେଇ ଘୋଡ଼ାରେ ବସି ଯୁଦ୍ଧ କରିବା ସବୁକିଛି ଦେଖିବାକୁ ମିଳିବ।
ସୂଚନଯୋଗ୍ୟ ଯେ, କଙ୍ଗନା ଏହି ଚରିତ୍ରକୁ ବାସ୍ତବ ରୂପ ଦେବା ପାଇଁ କଠିନ ପରିଶ୍ରମ କରିଛନ୍ତି। ଟିଜର ପୂର୍ବରୁ କଙ୍ଗନାଙ୍କ ଅନେକ ଲୁକ୍ ଜାରି କରାଯାଇଛି।
‘ମଣିକର୍ଣ୍ଣିକା’ର ନିର୍ଦ୍ଦେଶନା ଦେଇଛନ୍ତି ଜାତୀୟ ପୁରସ୍କାର ବିଜେତା କୃଷ ଜଗାରଲା ମୁଣ୍ଡି।
https://youtu.be/eBw8SPPvGXQ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
