ମୁମ୍ବାଇ: ୨୦୦୮ ନଭେମ୍ବର ୨୬ । ଭାରତୀୟଙ୍କ ପାଇଁ ଏହି ଦିନଟି ହେଉଛି କଳା ଦିବସ । ୨୬/୧୧ ସମସ୍ତଙ୍କ ମନରେ ଏକ ଅଭୁଲା ଚାପ ଛାଡି ଯାଇଛି । ଏହି ଦିନ ହିଁ ମୁମ୍ବାଇରେ ବଡ ଧରଣର ଆତଙ୍କବାଦୀ ଆକ୍ରମଣ ହୋଇଥିଲା । ଯାହା ପୁରା ଦେଶକୁ ଦୋହଲାଇ ଦେଇଥିଲା । ତେବେ କିଭଳି ଥିଲା ୨୬/୧୧ର ଆତଙ୍କବାଦୀ ଆକ୍ରମଣ । ଏହି ଘଟଣାର ପୁରା ଚିତ୍ରକୁ ବର୍ଣ୍ଣନା କରିବା ପାଇଁ ଆମାଜନ ପ୍ରାଇମ ଭିଡିଓରେ ଆରମ୍ଭ ହେବାକୁ ଯାଉଛି ଏକ ୱେବ ସିରିଜ । ଯାହାର ଫାଷ୍ଟ ଲୁକ ଗୁରୁବାର ରିଲିଜ ହୋଇସାରିଛି ।
ୱେବ ସରିଜର ନାଁ ରହିଛି ‘ମୁମ୍ବାଇ ଡାଇରିଜ ୨୬/୧୧’। ରିଲିଜ ହୋଇଥିବା ୪୦ ସେକେଣ୍ଡର ଭିଡିଓରେ ମୁମ୍ବାଇ ଆକ୍ରମଣର ପୁରା ଦୃଶ୍ୟ ରହିଛି। ତାଜ ହୋଟେଲଠାରୁ ଆରମ୍ଭ କରି ଆକ୍ରମଣରେ ଆହତ ହୋଇଥିବା ଲୋକେ କିଭଳି ନିଜ ଜୀବନ ବଞ୍ଚାଇବାକୁ ଚେଷ୍ଟା କରୁଛନ୍ତି ତାହା ଦେଖିବାକୁ ମିଳିଛି ।
ସିରିଜର ମୁଖ୍ୟ ଭୂମିକାରେ ମୋହିତ ରୈନା, କୋଙ୍କନା ସେନ ଶର୍ମା, ଟିନା ଦେସାଇ ଏବଂ ଶ୍ରେୟା ଧନୱନ୍ତରୀ ପ୍ରମୁଖ ଅଛନ୍ତି । ଏହାର ନିର୍ଦ୍ଦେଶନା ଦାୟିତ୍ୱରେ ନିଖିଲ ଆଡଭାନୀ ଏବଂ ନିଖିଲ ଗୋଞ୍ଜାଲଭିସ ଅଛନ୍ତି । ୨୦୨୧ ମାର୍ଚ୍ଚ ମାସରେ ଏହି ୱେବ ସିରିଜଟି ରିଲିଜ ହେବ ।
ଏହି ୱେବ ସିରିଜଟି ସେହି ଡକ୍ଟର, ନର୍ସ, ପାରାମେଡିକାଲ ଷ୍ଟାଫ ଏବଂ ହସ୍ପିଟାଲ କର୍ମୀଙ୍କ ଅଣଦେଖା କାହାଣୀ ଉପରେ ଆଧାରିତ, ଯେଉଁମାନ ମୁମ୍ବାଇ ଆତଙ୍କବାଦୀ ଆକ୍ରମଣରେ ଆହତ ହୋଇଥିବା ଲୋକଙ୍କ ଜୀବନ ବଞ୍ଚାଇବା ପାଇଁ ଅବିରତ ସଂଘର୍ଷ କରିଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
