ମୁମ୍ବାଇ: ଅନେକ ଦିନ ହେଲାଣି ବଲିଉଡ୍ ପ୍ଲେବ୍ୟାକ୍ ସିଙ୍ଗର ନେହା କକ୍କଡ଼ ଓ ଆଦିତ୍ୟ ନାରାୟଣ ବାହା ହେବେ ବୋଲି ଜୋରସୋର ଚର୍ଚ୍ଚା ଚାଲିଛି। ଚାରିଆଡ଼େ ଚର୍ଚ୍ଚା ହେଉଥିଲା ଯେ ଭାଲେଣ୍ଟାଇନ୍ସ ଡେ’ରେ ସେମାନେ ବାହା ହେବେ। ତେବେ ସେମାନଙ୍କ ବାହାଘର ସରିଯାଇଛି। ଆଉ ଏହାର ଫଟୋ ଓ ଭିଡିଓ ଏବେ ଭାଇରାଲ୍ ହେଉଛି।
https://www.instagram.com/p/B8dvkt2BvpH/?utm_source=ig_web_copy_link
‘ଇଣ୍ଡିଆନ୍ ଆଇଡଲ୍ ୧୧’ର ମଞ୍ଚ ଉପରେ ହିଁ ଏ ଦୁହିଁଙ୍କର ବିହାହ ସମ୍ପନ୍ନ ହୋଇଯାଇଛି। ସୋଶାଲ୍ ମିଡିଆରେ ଭାଇରାଲ୍ ହେଉଥିବା ଏକ ଭିଡିଓରେ ଆଦିତ୍ୟ ଓ ନେହା ପରସ୍ପରକୁ ମାଳ ପିନ୍ଧାଉଥିବା ଦେଖିବାକୁ ମିଳିଛି। ଏମାନଙ୍କ ପାଖରେ ଏକ ଯଜ୍ଞ କୁଣ୍ଡ ମଧ୍ୟ ରହିଛି ଓ ବ୍ରାହ୍ମଣ ବି ଛିଡ଼ା ହୋଇଛନ୍ତି। ସେମାନଙ୍କ ସହ ଶୋ’ର ଜଜ୍ ବିଶାଲ୍ ଦଦ୍ଲାନୀ, ହିମେଶ ରେଶମିଆ ଓ ପ୍ରତିଯୋଗୀମାନେ ମଧ୍ୟ ଉପସ୍ଥିତ ଅଛନ୍ତି।
https://www.instagram.com/p/B8etGT5hCO8/?utm_source=ig_web_copy_link
ତେବେ ଆଶ୍ଚର୍ଯ୍ୟ ହୁଅନ୍ତୁ ନାହିଁ। ଆପଣଙ୍କ ଅନ୍ଦାଜ୍ ବି ଠିକ୍ ହୋଇପାରେ। ଯେହେତୁ ଏଥିରେ ଉଭୟଙ୍କ ପରିବାର ଲୋକ ଉପସ୍ଥିତ ନାହାନ୍ତି, ତେଣୁ ସ୍ପଷ୍ଟ ହୋଇଯାଇଛି ଯେ ଏହା କେବଳ ଶୋ’ର ଟିଆର୍ପି ବଢ଼ାଇବା ପାଇଁ ଉଦ୍ଦିଷ୍ଟ। ତେବେ ଇଣ୍ଡିଆନ୍ ଆଇଡଲ୍ ଷ୍ଟେଜ୍ରେ ଆଉ କ’ଣ ସବୁ ଘଟିଛି, ତାହା ଆପଣମାନେ ଆଗାମୀ ଏପିସୋଡ୍ରେ ଦେଖିପାରିବେ ଓ ଏ ବାହାଘର କେତେ ସତ, ତାହା ବି ଜାଣିପାରିବେ। ଏହି ଏପିସୋଡ୍ରେ ହିମେଶଙ୍କ ପତ୍ନୀ ସୋନିଆ କପୁର ମଧ୍ୟ ସାମିଲ ହୋଇଛନ୍ତି।
https://www.instagram.com/p/B8dya7Sj7Wq/?utm_source=ig_web_copy_link
ସୂଚନାଯୋଗ୍ୟ, ବାହାଘର ଚର୍ଚ୍ଚା ଭିତରେ ନିକଟରେ ନେହା-ଆଦିତ୍ୟଙ୍କର ଏକ ମ୍ୟୁଜିକ୍ ଭିଡିଓ ‘ଗୋଆ ବିଚ୍’ ରିଲିଜ୍ ହୋଇଯାଇଛି। ‘ଗୋଆ ବିଚ୍’ ଗୀତଟିକୁ ନେହାଙ୍କ ସହ ତାଙ୍କ ଭାଇ ଟୋନି କକ୍କଡ଼ ଗାଇଛନ୍ତି। ଗୀତରେ ଆଦିତ୍ୟ ଓ ନେହାଙ୍କ ସିଜଲିଂ କେମେଷ୍ଟ୍ରି ଦେଖିବାକୁ ମିଳିଛି। ଏମାନଙ୍କ ବ୍ୟତୀତ ଗୀତରେ ଅଭିନେତ୍ରୀ କେଟ୍ କ୍ରିଶ୍ଚିୟନ୍ ମଧ୍ୟ ଅଛନ୍ତି। ସେ ଏଥିରେ ଟୋନିଙ୍କ ସହ ରୋମାନ୍ସ କରିଛନ୍ତି। ଗୀତଟିକୁ ଦର୍ଶକଙ୍କ ଜବରଦସ୍ତ ରେସ୍ପନ୍ସ ମିଳୁଛି।