ମୁମ୍ବାଇ: ପ୍ରଶଂସକଙ୍କୁ ଖୁସି ଖବର ଦେଲେ ବଲିଉଡ ଗାୟିକା ନେହା କକ୍କଡ । ଖୁବଶୀଘ୍ର ସେ ମା’ ହେବାକୁ ଯାଉଛନ୍ତି । ସୋଶାଲ ମିଡିଆରେ ନିଜେ ନେହା ତାଙ୍କ ଫଟୋ ସେଆର କରି ଏହି ସୂଚନା ଦେଇଛନ୍ତି । ନେହାଙ୍କ ଏହି ମା’ ହେବା ଖବର ଶୁଣି ତାଙ୍କର ସମସ୍ତ ଫ୍ୟାନ ଚକିତ ହୋଇଯାଇଛନ୍ତି ।
ନେହା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସ୍ୱାମୀ ରୋହନପ୍ରିତ ସିଂହଙ୍କ ସହ ଏକ ରୋମାଣ୍ଟିକ ଫୋଟ ସେଆର କରିଛନ୍ତି । ଏଥିରେ ସେ ବ୍ଲୁ ଡେନିମ ଡ୍ରେସ ପିନ୍ଧିବା ସହ ନିଜର ବେବି ବମ୍ପକୁ ଫ୍ଲୁଏଣ୍ଟ କରିଛନ୍ତି। ଏହି ଫଟୋ କ୍ୟାପଶନରେ ହ୍ୟାଶ ଟ୍ୟାଗ ଦେଇ ଲେଖିଅଛି-ଯତ୍ନ ନିଅ । ନେହାଙ୍କ ଏହି ଫଟୋ ଏବେ ସମସ୍ତଙ୍କୁ ଚକିତ କରିଦେଇଛି । ତାଙ୍କ ମା’ ହେବା ଖବରକୁ କେହି ସହଜରେ ବିଶ୍ୱାସ ମଧ୍ୟ କରିପାରୁ ନାହାନ୍ତି । ସେପଟେ ନେହା ଗର୍ଭବତୀ ଥିବା ଖବରକୁ ନେଇ ତାଙ୍କ ଭାଇ ଟୋନୀ କକ୍କଡ ସ୍ପଷ୍ଟ କରିଛନ୍ତି ।
View this post on Instagram
ଅନେକ ପ୍ରଶଂସକଙ୍କ ନେହାଙ୍କ ମା’ ହେବାକୁ ଯାଉଥିବା ଖବର ଶୁଣି ଖୁସି ବ୍ୟକ୍ତି କରି ଶୁଭେଚ୍ଛା ଜଣାଇଥିବା ବେଳେ ଆଉ କେତେକ ବିଶ୍ୱାସ କରିପାରୁ ନାହାନ୍ତି । କାରଣ ନେହାଙ୍କ ବିବାହକୁ ମାତ୍ର ୨ ମାସ ପୁରିଛି । ୨ ମାସ ତଳେ ତଥା ଅକ୍ଟୋବର ୨୪ରେ ନେହା, ରୋହନପ୍ରିତଙ୍କୁ ବିବାହ କରିଥିଲେ । ନିକଟରେ ସେମାନେ ଦୁବାଇରୁ ହନିମୁନ ସାରି ଫେରିଛନ୍ତି। ହନିମୁନର କିଛି ଫଟୋ ସୋଶାଲ ମିଡିଆରେ ଭାଇରାଲ ମଧ୍ୟ ହୋଇଥିଲା ।
ପ୍ରଥମେ ହଠାତ୍ ବିବାହ ଘୋଷଣା କରି ନେହା ତାଙ୍କ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଥିବାବେଳେ ଏବେ ଗର୍ଭବତୀ ଥିବା ଘୋଷଣା କରି ପୁଣି ଥରେ ସମସ୍ତଙ୍କୁ ହତବାକ କରିଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
