ଏହି ସିରିଅଲରେ ଓଲିଉଡର ଭେଟେରାନ କଳାକାର ମିହିର ଦାସ ସୂତ୍ରଧର ସାଜିଛନ୍ତି। ସ୍ପେଶାଲ ଭିଜୁଆଲ ଇଫେକ୍ଟ, ସୁନ୍ଦର ସେଟ୍ ଡେକରେସନ ସହ ଉନ୍ନତ ଟେକନୋଲ୍ଜିର ବ୍ୟବହାର ସିରିୟଲକୁ ରୁଚିସମ୍ପନ୍ନ କରିଛି। ଜାତୀୟ ଟେଲିଭଜନ ଚ୍ୟାନେଲରେ ପ୍ରସାରିତ ପୌରାଣିକ ସିରିଅଲ ପରି ଓଡିଶାର ଦର୍ଶକଙ୍କ ପାଇଁ ଏପରି ଏକ ସୁଯୋଗ ଆଣିଦେଇଛି ତରଙ୍ଗ।
ଜଗନ୍ନାଥ ସଂସ୍କୃତି ଗବେଷକ ସୂର୍ଯ୍ୟ ନାରାୟଣ ରଥଶର୍ମା କହିଛନ୍ତି ଯେ ଲୋକେ ମା’ ଲକ୍ଷ୍ମୀଙ୍କ ସଂପର୍କରେ ଜାଣିବାକୁ ପାଇବେ। ଘରେ ଘରେ ମା’ ଲକ୍ଷ୍ମୀଙ୍କ ଉପାସନା ବଢ଼ିବ। ତରଙ୍ଗ ଚ୍ୟାନେଲର ଏଭଳି ଏକ ପଦକ୍ଷେପ ସ୍ୱାଗତଯୋଗ୍ୟ। ସେହିପରି ସେବାୟତ ରାମଚନ୍ଦ୍ର ପଣ୍ଡା କହିଛନ୍ତି ଯେ ମା’ ଲକ୍ଷ୍ମୀଙ୍କ ସଂପର୍କରେ ଅନେକ କଥା ଲୋକଙ୍କ ପାଖରେ ପହଞ୍ଚି ପାରି ନାହିଁ। ଏହି ଧାରାବାହିକରୁ ଲୋକେ ସେସବୁ କଥା ଜାଣିପାରିବ।
ଶ୍ରୀ ଜଗନ୍ନାଥକୁ ଯେପରି ଦର୍ଶକଙ୍କ ଆଦୃତି ମିଳିଥିଲା ଜୟ ମା ଲକ୍ଷ୍ମୀ ପୂର୍ବ ଭଳି ଦର୍ଶକଙ୍କ ହୃଦୟ ଜିତିବ ବୋଲି ପୂରା ଟେଲି ୟୁନିଟ ଆଶାବାଦୀ ଅଛନ୍ତି। ଆସନ୍ତା ନଭେମ୍ୱର ୯ ତାରିଖରୁ ପ୍ରତି ସପ୍ତାହ ସୋମବାରରୁ ଗୁରୁବାର ରାତି ୯ଟା ୩୦ ମିନିଟରେ ପ୍ରସାରଣ ହେବ ଜୟ ମା’ ଲକ୍ଷ୍ମୀ।