ଭୁବନେଶ୍ୱର (ଓଡ଼ିଶା ରିପୋର୍ଟର): ଓଲିଉଡ୍ ଅଭିନେତା ବାବୁସାନ୍ ମହାନ୍ତି କରୋନା ଜନିତ ଲକ୍ଡାଉନ୍କୁ ବେଶ୍ ଭଲ ଭାବେ ଉପଯୋଗ କରିଛନ୍ତି। ସେ ଲକ୍ଡାଉନ୍ ବେଳେ ଅଧିକାଂଶ ସମୟ ଜିମ୍ରେ ବିତାଇଥିଲେ। ଏବେ ବି ସେ ଫିଟ୍ନେସ୍ ପ୍ରତି ଗୁରୁତ୍ୱ ଦେଉଛନ୍ତି ଓ ଏଥିପାଇଁ ସମୟ ଦେଉଛନ୍ତି। ପ୍ରାୟ ସମୟରେ ବାବୁସାନ୍ ତାଙ୍କ ଇନ୍ଷ୍ଟାରେ ଜିମ୍ରେ ବ୍ୟାୟାମ କରୁଥିବାର ଫଟୋ ଶେଆର କରୁଥିବା ଦେଖିବାକୁ ମିଳୁଛି।
ଗତକାଲି ବାବୁସାନ୍ ତାଙ୍କର ଫିଟ୍ ଶରୀରର କିଛି ଫଟୋ ଶେଆର କରିବା ସହିତ ଲେଖିଛନ୍ତି- ‘ଗୋଟିଏ ମାତ୍ର ସ୍ୱପ୍ନ ମୋତେ ପୂରା ରାତି ଉଜାଗର ରଖିଛି। ମୁଁ ପ୍ରତ୍ୟେକ ଥର କଡ଼ ଲେଉଟାଇ ଶୋଇବାକୁ ଚେଷ୍ଟା କରିଛି।’
ତେବେ ତାଙ୍କର ସେହି ସ୍ୱପ୍ନଟି କ’ଣ ସେ ବିଷୟରେ ବାବୁସାନ କିଛି ଲେଖି ନାହାନ୍ତି। କେବଳ ଫଟୋଗୁଡ଼ିକୁ ଦେଖି ଅନ୍ଦାଜ ଲଗାଯାଇପାରେ ଯେ ତାଙ୍କ ସ୍ୱପ୍ନଟି ତାଙ୍କ ଫିଜିକ୍କୁ ନେଇ ହୋଇଥାଇପାରେ। କାରଣ ପୂର୍ବରୁ ବାବୁସାନ ଏମିତି ଦେଖାଯାଉ ନଥିଲେ। ତରଙ୍ଗ ସିନେ ପ୍ରଡକ୍ସନ୍ସର ଫିଲ୍ମ ‘ମିଷ୍ଟର ମଜ୍ନୁ’ରେ ହିଁ ପ୍ରଥମେ ତାଙ୍କୁ ପୂରା ଅଲଗା ଲୁକ୍ରେ ଦେଖିବାକୁ ମିଳିଥିଲା।
https://www.instagram.com/p/CEg7-66pjzR/?utm_source=ig_web_copy_link
ଅନ୍ୟପକ୍ଷରେ ବାବୁସାନଙ୍କ ଏହି ପୋଷ୍ଟ ଉପରେ ତାଙ୍କ ପ୍ରଶଂସକମାନେ ନାନା ପ୍ରକାରର କମେଣ୍ଟ ଦେଇଛନ୍ତି। ଅନେକ ଜାଣିବାକୁ ଚାହିଁଛନ୍ତି ତାଙ୍କର ସ୍ୱପ୍ନ ବିଷୟରେ। ଆଉ କେହି କେହି ତାଙ୍କ ଫିଟ୍ ବଡି ଦେଖି ପ୍ରଶଂସା ମଧ୍ୟ କରିଛନ୍ତି।
ସୂଚନାଯୋଗ୍ୟ, ବାବୁସାନ୍ଙ୍କ ଅଭିନୀତ ଫିଲ୍ମ 'ବିଦ୍ୟାରାଣ'ର ଏବେ ଶୁଟିଂ ଚାଲିଛି। ଏହି ଫିଲ୍ମରେ ବାବୁସାନ୍ଙ୍କ ସହ ଅଭିନେତ୍ରୀ ଶିବାନୀଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ। ବାବୁସାନ ଓ ଶିବାନୀ ଏହି ଫିଲ୍ମ ମାଧ୍ୟମରେ ଦ୍ୱିତୀୟ ଥର ପାଇଁ ସ୍କ୍ରିନ୍ ଶେଆର କରିବାକୁ ଯାଉଛନ୍ତି।
ବାବୁସାନଙ୍କ ପୂର୍ବ ଫିଲ୍ମଗୁଡ଼ିକରେ ଦର୍ଶକମାନେ ଲଭ୍, ରୋମାନ୍ସ ଓ କମେଡି ଦେଖୁଥିବାବେଳେ ଏହି ଫିଲ୍ମରେ ଆକ୍ସନ ଦେଖିବାକୁ ପାଇବେ ବୋଲି ଶୁଣିବାକୁ ମିଳିଛି। ଏହି ଫିଲ୍ମର ନିର୍ଦ୍ଦେଶନା ଜ୍ୟୋତି ଦାସ ଦେଉଥିବା ବେଳେ ଏହାର ପ୍ରଯୋଜନା କରୁଛନ୍ତି ନିରଞ୍ଜନ ନାୟକ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
