ଭୁବନେଶ୍ୱର (ଓଡ଼ିଶା ରିପୋର୍ଟର): ହସଖୁସିରେ ବିତୁଥିଲା ଜୀବନ, କିନ୍ତୁ ହଠାତ୍ ମାଡି ଆସିଲା କଳାବାଦଲ। ଘଟିଲା ଏକ ବଡ଼ ଅଘଟଣ। ଯାହା ବଦଳାଇଦେଲା ଜୀବନର ରୂପରେଖ। ଜୀବନ ଓ ମୃତ୍ୟୁର ଖେଳରେ ନିଷ୍ପତ୍ତି ନେବା ହୋଇଗଲା କଷ୍ଟକର। କାରଣ ହାତରେ ମାତ୍ର ୭୨ ଘଣ୍ଟା। ଏହାରି ଭିତରେ ପୁଣି ଷଡଯନ୍ତ୍ର। ଗୋଟିଏ ପଟେ ଜୀବନ ଓ ଅନ୍ୟପଟେ ମରଣ। ୭୨ ଘଣ୍ଟାର ଚାପରେ ପଡି କ'ଣ କରିପାରେ ଗୋଟେ କୁନି ଝିଅର ଅସହାୟ ବାପା ।
ଏଭଳି କିଛି କାହାଣୀ ନେଇ ପ୍ରସ୍ତୁତ ହୋଇଥିଲା ତରଙ୍ଗ ସିନେ ପ୍ଲସର ୱେବସିରି୍ `୭୨ ଆୱାର୍ସ: ଲାଇଫ୍ ଅର୍ ଡେଥ୍'। ଏହି ୱେବ୍ସିରିଜ୍ଟି ଏବେ ଫିଲ୍ମ ଆକାରରେ ପ୍ରସାରିତ ହେବାକୁ ଯାଉଛି। ଏଇ ରବିବାର ଅର୍ଥାତ ଆସନ୍ତାକାଲି ସନ୍ଧ୍ୟା ସାଢ଼େ ୬ଟାରେ ତରଙ୍ଗ ଟିଭି ୱାଲ୍ଡ ଟେଲିଭିଜନ ପ୍ରିମିୟର୍ରେ ପ୍ରସାରିତ ହେବ।
[caption id="attachment_638240" align="aligncenter" width="768"]
72 Hour: Life or Death[/caption]
ଜଣେ ବାପା ଓ ତାଙ୍କ ଝିଅକୁ ନେଇ ଏହି ଫିଲ୍ମର କାହାଣୀ ଆଧାରିତ। ପୂର୍ବରୁ ଏହା ୱେବ୍ସିରିଜ୍ ରୂପେ ତରଙ୍ଗ ପ୍ଲସ୍ରେ ଷ୍ଟ୍ରିମିଂ ହୋଇଥିଲା। ଭିନ୍ନ ଧରଣର ଏହି ସସ୍ପେନ୍ସ ଓ ଥ୍ରୀଲର ଫିଲ୍ମରେ ବାପା ଭୂମିକାରେ ଅଭିନେତା ମନୋଜ ମିଶ୍ରଙ୍କୁ ଦେଖିବାକୁ ମିଳିବ। କୁନି ଝିଅ ଭୂମିକାରେ ନଜର ଆସିବେ ଶିଶୁ କଳାକାର ସିଦ୍ଧି। ସେହିପରି ମା' ଭୂମିକାରେ ଅଛନ୍ତି ଅଭିନେତ୍ରୀ ଅନୁ ଚୌଧୁରୀ। ଖଳନାୟକ ଭୂମିକାରେ ଅଛନ୍ତି ମିହିର ଦାସ।
ଅନ୍ୟ ପ୍ରମୁଖ ଭୂମିକାରେ ଅଙ୍କିତ, ଅଶ୍ରୁମୋଚନ, ତପି ମିଶ୍ର, ଆୟୁଷି ଜେନା, ରାଜୀବ ମହାନ୍ତି, ବବି ଆଚାର୍ଯ୍ୟ, ବିଶ୍ୱ ରଂଜନ, ନିମାଇଁ ଚରଣ ବିଶ୍ୱାଳ, ସୌମ୍ୟ ରଂଜନ ମିଶ୍ର, ଅମ୍ରିତା ମିଶ୍ର ଅଛନ୍ତି।
ଏହି ଫିଲ୍ମର କାହାଣୀ ସଂଳାପ ସାଙ୍ଗକୁ ଚିତ୍ରନାଟ୍ୟ ଓ କ୍ରିଏଟିଭ ଡାଇରେକ୍ଟର ଭାବେ ଦାୟିତ୍ୱ ତୁଲାଇଛନ୍ତି ବିଜୟ କିଶୋର ଓ ମାନସ ପଢ଼ିହାରୀ। ନିର୍ଦ୍ଦେଶନା ଦେଇଛନ୍ତି ଅଜୟ ପାଢ଼ୀ। ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଅନୁରାଗ ପଟ୍ଟନାୟକ । ନିଆରା ଢ଼ଙ୍ଗରେ ତିଆରି ନୂଆ ସ୍ୱାଦର ଏହି ଓଡ଼ିଆ କାହାଣୀଟି ନିଶ୍ଚିତ ରୂପେ ସିନେଦର୍ଶକଙ୍କ ମନକୁ ଛୁଇଁବ ବୋଲି ଫିଲ୍ମ ନିର୍ମାତାମାନେ ଆଶା ରଖିଛନ୍ତି।
https://youtu.be/DTdYMCD7rU0
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
