ନୂଆଦିଲ୍ଲୀ: ଆଜି କରୋନା ଭୂତାଣୁ ପାଇଁ ସାରା ଭାରତ ଲକ୍ଡାଉନ୍। କିନ୍ତୁ ଦିନ ଥିଲା ବିନା ଘୋଷଣାରେ, କି ବିନା ନିର୍ଦ୍ଦେଶରେ ସାରା ଦେଶରେ ଲକ୍ଡାଉନ୍ ପରିସ୍ଥିତି ସୃଷ୍ଟି ହେଉଥିଲା। ବର୍ତ୍ତମାନ କରୋନା ସଂକ୍ରମଣ ଭୟରେ ଲୋକଙ୍କୁ ଘରେ ରହିବାକୁ ବାଧ୍ୟ କରାଯାଉଛି, ହେଲେ ସେତେବେଳେ କୌଣସି ଚାପ ବିନା ଖୁସିରେ ଖୁସିରେ ଲୋକେ ଘରେ ରହୁଥିଲେ। ଆଉ ଏଭଳି ଅସମ୍ଭବକୁ ସମ୍ଭବ କରିପାରିଥିଲା ଟିଭି ଦୁନିଆରେ ଐତିହାସିକ ସଫଳତା ହାସଲ କରିଥିବା ଦୁଇଟି ପୌରାଣିକ ଧାରାବାହିକ ‘ରାମାୟଣ’ ଓ ‘ମହାଭାରତ’।
ରାମାନନ୍ଦ ସାଗରଙ୍କ ‘ରାମାୟଣ’ ଓ ବି.ଆର୍ ଚୋପ୍ରାଙ୍କ ‘ମହାଭାରତ’କୁ କିଏ ବା ଭୁଲିପାରେ? ୮୦ ଦଶକର ଶେଷରେ ଓ ୯୦ ଦଶକର ମଧ୍ୟଭାଗରେ ପ୍ରସାରିତ ଏହି ଦୁଇଟି ପୌରାଣିକ ଧାରାବାହିକ ଭାରତୀୟ ଦର୍ଶକଙ୍କ ବିପୁଳ ଭଲପାଇବା ହାସଲ କରିଥିଲା। ଏବେ ପୁଣି ଏହି ଧାରାବାହିକ ଟିଭିରେ ପ୍ରସାରିତ ହେବାକୁ ଯାଉଛି। ଏବେ କରୋନା ପାଇଁ ନୁହେଁ ବରଂ ଧାରାବାହିକ ପ୍ରେମରେ ପଡ଼ି ଲୋକେ ସ୍ୱତଃପ୍ରବୃତ ଭାବେ ଘରୁ ଆଉ ବାହାରକୁ ବାହାରିବେ ନାହଁ ବୋଲି ଆଶା କରାଯାଉଛି।
Yes we are working on the same with the Rights Holders. Will update shortly. Stay tuned. https://t.co/2Jhjw2qD3s
— Shashi Shekhar (@shashidigital) March 25, 2020
ଉଲ୍ଲେଖଯୋଗ୍ୟ, ସାରା ଭାରତକୁ ୨୧ ଦିନ ପାଇଁ ଲକ୍ଡାଉନ୍ ଘୋଷଣା କରାଯାଇଛି। କରୋନା ସଂକ୍ରମଣ ମୁକାବିଲା ଲାଗି ଏହି ଦିନଗୁଡ଼ିକରେ ଲୋକମାନଙ୍କୁ ଘରେ ରହିବାକୁ ନିର୍ଦ୍ଦେଶ ଦିଆଯାଉଛି। ତେବେ ନିର୍ଦ୍ଦେଶ ପାଳନ ନ କଲେ କଠୋର କାର୍ୟ୍ୟାନୁଷ୍ଠାନ ମଧ୍ୟ ନିଆଯାଉଛି। ଏଭଳି ସ୍ଥଳେ ଏତେଗୁଡ଼େ ଦିନ ଘରେ ଖାଲିରେ ବସି ରହିବା ଲୋକଙ୍କ ମାନସିକ ଚାପର କାରଣ ହୋଇପାରେ। ଏଣୁ କେତେଜଣ ଦର୍ଶକ ଟ୍ୱିଟରରେ ଏଭଳି ସମୟରେ ଟିଭିରେ ପୁଣି ‘ରାମାୟଣ’ ଓ ‘ମହାଭାରତ’ ଦେଖିବାକୁ ଡିମାଣ୍ଡ କରିଥିଲେ। ଏନେଇ ପ୍ରସାର ଭାରତୀର ସିଇଓ ଶଶି ଶେଖର ଟିଭିରେ ଧାରାବାହିକକୁ ପୁନଃପ୍ରସାରଣ କରିବାକୁ ଆଲୋଚନା ଚାଲିଥିବା କହିଥିଲେ। ଏହାପରେ ଅନେକ ଲୋକ ଏନେଇ ଟ୍ୱିଟରରେ ନିଜ ନିଜର ଇଚ୍ଛା ପ୍ରକାଶ କରିଥିଲେ।
Happy to announce that on public demand, we are starting retelecast of 'Ramayana' from tomorrow, Saturday March 28 in DD National, One episode in morning 9 am to 10 am, another in the evening 9 pm to 10 pm.@narendramodi
@PIBIndia@DDNational— Prakash Javadekar (@PrakashJavdekar) March 27, 2020
On Public demand amidst #Lockdown21, @DDNational will broadcast Ramanand Sagar's Ramayan, starting from tomorrow (March 28). #IndiaFightsBack#IndiaFightsCorona pic.twitter.com/VUDSnFr4y4
— Prasar Bharati (@prasarbharati) March 27, 2020
ତେବେ ଏତେ ସଂଖ୍ୟକ ଲୋକଙ୍କ ଚାହିଦାକୁ ଗୁରୁତ୍ୱ ଦେଇ କେନ୍ଦ୍ର ସରକାର ଏନେଇ ନିଷ୍ପତ୍ତି ନେଇଛନ୍ତି। ଶୁକ୍ରବାର କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ଟ୍ୱିଟ୍ କରି ଦର୍ଶକମାନଙ୍କୁ ଖୁସି କରିଦେଇଛନ୍ତି। ଆସନ୍ତା କାଲି ଅର୍ଥାତ ମାର୍ଚ୍ଚ ୨୮ରୁ ‘ଡିଡି ନ୍ୟାଶନାଲ’ ଚ୍ୟାନେଲରେ ଲୋକପ୍ରିୟ ପୌରାଣିକ ଧାରାବାହିକ ‘ରାମାୟଣ’କୁ ପୁନଃପ୍ରସାରଣ କରାଯିବ। ଏହି କ୍ରମରେ ‘ରାମାୟଣ’ର ଗୋଟିଏ ଏପିସୋଡ୍ ସକାଳ ୯ଟାରୁ ୧୦ ଯାଏଁ ଏବଂ ଆଉ ଏକ ଏପିସୋଡ୍ ସନ୍ଧ୍ୟା ୯ଟାରୁ ୧୦ଟା ଯାଏ ପୁନଃପ୍ରସାରିତ ହେବ।
Pls pls.pls.. do the needful...
This will be great... Also please think onShri Krishna
Chanakya
Bharat ek khoj
Shriman shrimati
Dekh Bhai Dekh
Chandrakanta
Jungle book
Nukkad
Fauji #allabout90slife #90s— All About 90s Life (@AllAbout90sLife) March 25, 2020
କେନ୍ଦ୍ରମନ୍ତ୍ରୀଙ୍କ ଦର୍ଶକଙ୍କୁ ଏଭଳି ଭେଟି ନିଶ୍ଚିତ ଭାବେ ଭାରତରେ ଲକ୍ଡାଉନ୍ ସ୍ଥିତିକୁ ସଫଳ କରିବାରେ ସହଯୋଗ କରିବ ବୋଲି ଆଶା କରାଯାଉଛି। ସୂଚନା ଥାଉ କି, ଆଗାମୀ ଦିନରେ ‘ମହାଭାରତ’ ଓ ‘ଚାଣକ୍ୟ’ ମଧ୍ୟ ଟିଭି ପରଦାରେ ପୁନଃପ୍ରସାରିତ ହୋଇପାରେ। ଏନେଇ ମଧ୍ୟ ଦର୍ଶକଙ୍କୁ ଖୁବ୍ ଡିମାଣ୍ଡ ଥିବାବେଳେ ସେମାନେ ଟ୍ୱିଟ୍ ମାଧ୍ୟମରେ ଏକଥା ଜଣାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
