ଭୁବନେଶ୍ୱର: ବିଶ୍ୱ ରେଡିଓ ଦିବସ ଅବସରରେ ଆଉଟ୍ରିଚ୍ ପକ୍ଷରୁ ଫେବ୍ରୁଆରୀ ୧୩ରୁ ଦୁଇଦିନିଆ ଆଉଟ୍ରିଚ୍ ଇଣ୍ଟରନ୍ୟାସନାଲ୍ ରେଡିଓ ଫେୟାର ସ୍ଥାନୀୟ ଭଞ୍ଜକଳାମଣ୍ଡପରେ ଆୟୋଜିତ ହେବ। ଏଥିରେ ଅତିଥି ଭାବେ କେନ୍ଦ୍ର ସୂଚନା ଓ ପ୍ରସାରଣ ରାଷ୍ଟ୍ରମନ୍ତ୍ରୀ ରାଜ୍ୟବର୍ଦ୍ଧନ ସିଂହ ରାଠୋର, କେନ୍ଦ୍ର ପେଟ୍ରୋଲିୟମ ଓ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ବିଶିଷ୍ଟ ଉପସ୍ଥାପକ ଉପେନ୍ଦ୍ର ପାହାଡସିଂହ ଯୋଗ ଦେବାର କାର୍ଯ୍ୟକ୍ରମ ରହିଛି। ଏହାସହ ବିଭିନ୍ନ ଦେଶ ତଥା ରାଜ୍ୟରୁ ଆସିଥିବା କଳାକାରମାନେ ଡ୍ରାମା, ସ୍ୟାଣ୍ଡ ଆର୍ଟ ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିବେ। ଏହି ଅବସରରେ ନୂଆ ଓ ପୁରୁଣା ରେଡିଓ ସେଟ୍, ପୁରୁଣା ପ୍ରସାରଣ ଯନ୍ତ୍ର, ହାମ ରେଡିଓ, ରେଡିଓ ଷ୍ଟୁଡିଓ ସମେତ ବହୁ ପ୍ରଦର୍ଶନୀ ଷ୍ଟଲ ଲାଗିବ ବୋଲି ଆଉଟ୍ରିଚ୍ ପକ୍ଷରୁ କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।