ଆକ୍ଟର ନୁହେଁ ସିଙ୍ଗର ହେବାକୁ ଚାହୁଁଥିଲେ ଆୟୁଷ୍ମାନ୍‌

ନୂଆଦିଲ୍ଲୀ : ପପ୍‌ ରକ୍‌ ବ୍ୟାଣ୍ଡ୍‌ ‘ୟୁଫୋରିଆ’ର ସିଙ୍ଗର ଡକ୍ଟର ପଲାସ ସେନ୍‌ ୟୁଫୋରିଆ ଫେସବୁକ୍‌ ପେଜ୍‌ରେ ଏକ ପୁରୁଣା ଫଟୋ ଶେଆର୍ କରିଛନ୍ତି। ଏହି ଫଟୋରେ ତାଙ୍କ ସହିତ ବଲିଉଡ୍‌ ଅଭିନେତା ଆୟୁଷ୍ମାନ୍‌ ଖୁରାନା ଥିବା ଦେଖିବାକୁ ମିଳିଛି। ଫଟୋଟି ୧୭ ବର୍ଷ ତଳେ ଉଠାଯାଇଥିଲା।ଯେଉଁ ସମୟରେ ଆୟୁଷ୍ମାନ୍‌ ସିଙ୍ଗର ହେବା ପାଇଁ ଇଣ୍ଡଷ୍ଟ୍ରୀରେ ସଂଘର୍ଷ କରୁଥିଲେ ଏବଂ ଆମେରିକାନ୍ ଟିଭି ସିରିଜ୍‌ ଯୁଫୋରିଆରେ ଭାଗ ନେଇଥିଲେ।

ଫଟୋ ପୋଷ୍ଟ କରି ପଲାସ ସେନ୍‌ ‘ଗୁଲାବୋ ସିତାବୋ’ ଫିଲ୍ମ ରିଲିଜ୍‌ର ଖୁସି ଜାହିର କରିବା ସହିତ ଆୟୁଷ୍ମାନ୍‌ ୨୦୦୩ରେ ହୋଇଥିବା ସିଙ୍ଗିଙ୍ଗ୍‌ ରିଆଲିଟି ଶୋ’ ଓ ‘ପପ୍‌ଷ୍ଟାର୍ସ’ରେ ଭାଗ ନେଇଥିବା ସିକ୍ରେଟ୍‌ ସମସ୍ତଙ୍କୁ ଶେଆର୍‌ କରିଛନ୍ତି। ବର୍ତ୍ତମାନ ପର୍ଯ୍ୟନ୍ତ ଏହି ପୋଷ୍ଟକୁ ଆଠ ହଜାରରୁ ଅଧିକ ଲାଇକ୍‌ ୫୦୦ରୁ ଅଧିକ ଶେଆର୍‌ ହୋଇସାରିଲାଣି।

ପୋଷ୍ଟରେ ପଳାସ ସେନ୍‌ ଲେଖିଛନ୍ତି, ‘୨୦୦୩ରେ ଜଣେ ଯୁବକ ସିଙ୍ଗର ହେବାକୁ ଚାହୁଁଥିଲେ। ଏହି ଶୋ’ରେ ମୁଁ ବିଚାରପତି ଥିବା ସମୟରେ ସେ ପ୍ରତିଯୋଗୀ ଭାବରେ ଭାଗ ନେବାକୁ ଆସିଥିଲେ। ଆୟୁଷ୍ମାନ୍‌ ଖୁରାନା ଏହି ଶୋ’ର ବିଜେତା ହୋଇପାରିନଥିଲେ। କିନ୍ତୁ ସେ ମୋ ହୃଦୟ ଓ ପ୍ରେମକୁ ସବୁଦିନ ପାଇଁ ଜିତି ନେଇଥିଲେ। ‘ୟୁଫୋରିଆ’ରେ ତାଙ୍କ ସହିତ ବିତାଇଥିବା ଦିନ ମୋର ଆଜି ବି ସ୍ମୃତି ହୋଇ ରହିଛି।

ସେ ଆହୁରି ମଧ୍ୟ ଲେଖିଛନ୍ତି, ‘ମୁଁ ତାଙ୍କୁ ପରାମର୍ଶ ଦେଇଥିଲି, କେବେ ବି ହାର୍‌ ମାନିବ ନାହିଁ। ଆଜି ତାଙ୍କ ଫିଲ୍ମ ‘ଗୁଲାବୋ ସିତାବୋ’ ରିଲିଜ୍‌ ହେବାକୁ ଯାଉଛି। ଆୟୁଷ୍ମାନ୍‌ ଭାରତର ଜଣେ ପ୍ରତିଭାବାନ୍‌ ଅଭିନେତା ମଧ୍ୟରୁ ଜଣେ। ଆୟୁଷ୍‌ ଆଜି ମୁଁ ତୁମ ପାଇଁ ଗର୍ବ ଅନୁଭବ କରୁଛି। ଯେପରି ୧୭ ବର୍ଷ ତଳେ କରୁଥିଲି। ଭାଇ ତୁମ ପାଇଁ ବହୁତ ସାରା ଭଲ ପାଇବା। ସମସ୍ତଙ୍କୁ ଆମାଜନ୍‌ ପ୍ରାଇମ୍‌କୁ ଯାଇ ‘ଗୁଲାବୋ ସିତାବୋ’ ଦେଖିବା ଉଚିତ୍‌। ’

ସୂଚନାଯୋଗ୍ୟ, ବଲିଉଡ୍‌ର ମହାନାୟକ ଅମିତାଭ ବଚ୍ଚନ ଓ ଆୟୁଷ୍ମାନ୍‌ ଖୁରାନାଙ୍କ ଅଭିନୀତ ଫିଲ୍ମ ‘ଗୁଲାବୋ ସିତାବୋ’ ଗତକାଲି ଆମାଜନ୍ ପ୍ରାଇମ୍‌ ଅନଲାଇନ୍ ଫ୍ଲାଟଫର୍ମରେ ରିଲିଜ୍‌ ହୋଇଛି। ଲକ୍ଷ୍ନୌରେ ରହୁଥିବା ଭଡ଼ାଟିଆ ଓ ଘରମାଲିକଙ୍କ ମଧ୍ୟରେ ଲଢ଼େଇକୁ କାହାଣୀକୁ ଏହି ଫିଲ୍ମ ଆଧାରିତ ହୋଇଛି। ଏଥିରେ ଅମିତାଭଙ୍କୁ ୭୮ ବର୍ଷୀୟ ମାଲିକ ମିର୍ଜା ଓ ଆୟୁଷ୍ମାନ୍‌ଙ୍କୁ ବାଙ୍କେ ଚରିତ୍ରରେ ଅଭିନୟ କରିଥିବା ଦେଖିବାକୁ ମିଳିଛି।

ଆହୁରି ପଢ଼ନ୍ତୁ

ନୀତୀଶ କୁମାରଙ୍କ ଦଳରେ ମିଶିଲେ ଗୁପ୍ତେଶ୍ୱର ପାଣ୍ଡେ

ଚୋରା ଚାଲାଣର ପର୍ଦ୍ଦାଫାସ: ୩ କୋଟି ଟଙ୍କାର ହାତ ଘଣ୍ଟା ଜବତ

ରବି କିଶନଙ୍କୁ ମିଳୁଛି ହତ୍ୟା ଧମକ!

ଉମା ଭାରତୀ କରୋନାରେ ଆକ୍ରାନ୍ତ

ଦିନକରେ ୮୮,୬୦୦ ଆକ୍ରାନ୍ତ, ୯୨ ହଜାର ସୁସ୍ଥ

ଆଜି ନୀତୀଶ କୁମାରଙ୍କ ଦଳରେ ସାମିଲ ହେବେ ପୂର୍ବତନ ଡିଜିପି ଗୁପ୍ତେଶ୍ୱର ପାଣ୍ଡେ

ସୁପର୍ ସଣ୍ଡେ’ରେ ରୟାଲ୍ସକୁ ଭେଟିବ କିଙ୍ଗସ୍ ଇଲେଭେନ୍: ଫେରି ପାରନ୍ତି ବଟଲର୍ ଓ ଗେଲ୍

‘ଶିରୋମଣି ଅକାଳି ଦଳ ଓ ଶିବସେନା ବିନା ଏନଡିଏର ଅସ୍ଥିତ୍ୱ ନାହିଁ’

ଠକି ପାରିବେନି, ବଦଳିଗଲା ଡ୍ରାଇଭିଂ ଲାଇସେନ୍ସ ଏବଂ ଇ-ଚାଲାଣ ନିୟମ

ସୁଶାନ୍ତଙ୍କ କାହାଣୀକୁ ନେଇ ପ୍ରସ୍ତୁତ ହେଉଛି ଫିଲ୍ମ, ଡିସେମ୍ବରରେ ହେବ ରିଲିଜ୍

ସାଂଗଠିନକ ପରିବର୍ତ୍ତନକୁ ନେଇ ବିଜେପିରେ ଅସନ୍ତୋଷ, ଦଳ ଛାଡ଼ିବେ ରାହୁଲ୍!

ମିଡିଆର କାର୍ଯ୍ୟକଳାପକୁ ନେଇ ଅସନ୍ତୋଷ ଜାହିର କଲା ମୁମ୍ୱାଇ ପୁଲିସ