ଭୁବନେଶ୍ୱର (ଓଡ଼ିଶା ରିପୋର୍ଟର): ପିଲାଦିନେ ସମସ୍ତେ ଦୁଷ୍ଟାମି କରିଥିବେ। ବାପାମାଆଙ୍କୁ କିଛି କଥା ଲୁଚେଇଥିବେ। ସେମିତି କିଛି କରିଥିଲେ ମ୍ୟୁଜିକାଲ୍ ସାଇଣ୍ଟିଷ୍ଟ ପ୍ରେମାନନ୍ଦ। ପିଲାଦିନେ ସେ ଥରେ ଘରୁ ଚୋରି କରିଥିଲେ।
ତରଙ୍ଗ ମ୍ୟୁଜିକ୍ରେ ପ୍ରସାରିତ ହେଉଥିବା ଟକ୍ ଶୋ ‘ସିକ୍ରେଟ୍ ଷ୍ଟୋରିଜ୍ ଅଫ୍ ସେଲିବ୍ରେଟି’ରେ ଯୋଗଦେଇ ସେ ଏକଥା କହିଥିଲେ। ପ୍ରେମାନନ୍ଦ କହିଥିଲେ ଯେ ତାଙ୍କ ମାଆ ଗୋଟେ ବହି ଭିତରେ ୧୦୦ଟଙ୍କା ରଖିଥିଲେ। ସେ ସେହି ୧୦୦ ଟଙ୍କା ଚୋରାଇ ନେଇ ଖର୍ଚ୍ଚ କରି ଦେଇଥିଲେ। ତାଙ୍କ ମାଆ ଯେତେବେଳେ ସେ ଟଙ୍କା ଖୋଜିଲେ ଆଉ ପାଇଲେ ନାହିଁ। ସେ ସମୟରେ ୧୦୦ ଟଙ୍କା ବହୁତ ଥିଲା। ମାଆ ଟଙ୍କା ନପାଇ କାନ୍ଦି ପକାଇଥିଲେ। ସେ ମାଆଙ୍କୁ ବୁଝାଇଥିଲେ ଯେ ସେ ବଡ ହେଲେ ବହୁତ ଟଙ୍କା ରୋଜଗାର କରିବେ। କିନ୍ତୁ ସେ ଡରରେ ଏକଥା ମାନି ନଥିଲେ ଯେ ସେ ହିଁ ଟଙ୍କା ଚୋରି କରିଥିଲେ।
ସୂଚନାଯୋଗ୍ୟ, ନିର୍ମାଣ ହେଉଥିବା ବଲିଉଡ୍ ଫିଲ୍ମ ‘ଲଭ୍ ୟୁ ଟର୍ଣ୍ଣ’ର ଦୁଇଟି ଗୀତର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ପ୍ରେମାନନ୍ଦ। ତାଙ୍କ ନିର୍ଦ୍ଦେଶିତ ଗୀତ ମଧ୍ୟରୁ ଗୋଟେ ଗୀତ ମୋହିତ୍ ଚୌହାନ୍ ଗାଇଥିବା ବେଳେ ଅନ୍ୟଟିକୁ ଜୁବିନ୍ ଗାଇଛନ୍ତି। ସେ ୬୦ରୁ ଅଧିକ ଓଡ଼ିଆ ଫିଲ୍ମ ସହ କିଛି ଭୋଜପୁରୀ ଓ ବଙ୍ଗାଳି ଫିଲ୍ମରେ ମଧ୍ୟ ସଂଗୀତ ନିର୍ଦ୍ଦେଶନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
