ଭୁବନେଶ୍ୱର: ‘ଯୋଉଠି ତୁ ସେଇଠି ମୁଁ’ ୨୦୧୬ର ପ୍ରଥମ ରିଲିଜ ସିନେମାର ଆଖ୍ୟା ପାଇଛି। ଏହା ଏକାସଙ୍ଗରେ ଦୁଇଟି ଭାଷାରେ ପରଦାକୁ ଆସିଛି। ଭୋଜପୁରୀ ଭାଷାରେ ଏହି ସିନେମାର ନାଁ ‘ହମକା ଇସ୍କ ହୁଆ ହେ ୟାରେଁ’ ରଖାଯାଇଛି। ସୁଶାନ୍ତ କୁମାର ରାଉତଙ୍କ ନିର୍ଦ୍ଦେଶିତ ଏହି ଫିଲ୍ମ ୪୫ଟି ହଲରେ ରିଲିଜ୍ ହୋଇଛି। ଏଥିରେ ଲିଡ୍ ରୋଲରେ ଅଛନ୍ତି ୟଶ ମିଶ୍ର ଏବଂ ଅଞ୍ଜଳି ମିଶ୍ର। ଉଭୟ ଏହି ଫିଲ୍ମ ଜରିଆରେ ଡେବ୍ୟୁ ମଧ୍ୟ କରିଛନ୍ତି। ‘ଯୋଉଠି ତୁ ସେଇଠି ମୁଁ’ରେ ମ୍ୟୁଜିକ୍ କମ୍ପୋଜ୍ କରିଛନ୍ତି ବୈଦ୍ୟନାଥ ଦାସ। ବଲିଉଡର ବହୁ ନାମୀଦାମୀ ସିଙ୍ଗରଙ୍କ କଣ୍ଠର ଯାଦୁ ଦେଖିବାକୁ ମିଳୁଛି ଏହି ସିନେମାରେ। ‘ଯୋଉଠି ତୁ ସେଇଠି ମୁଁ’ର ଗୀତ ଲେଖିଛନ୍ତି ସ୍ୱର୍ଗତ ନିଜାମ ଏବଂ ବିଜୟ ମଲ୍ଲ। ସାବିତ୍ରୀ ପିକ୍ଚର୍ସ ବ୍ୟାନରର ଏହି ସିନେମାର ଅନ୍ୟ ଭୂମିକାରେ ଶ୍ରୀତମ ଦାସ, ଅନରା, ହରି, ପିଣ୍ଟୁ ନନ୍ଦ ଓ ସରୋଜ ଦାସଙ୍କୁ ଦେଖିବାକୁ ମିଳିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
