ମୁମ୍ବାଇ: କରୀନା କପୁର ଖାନ୍, ସ୍ୱରା ଭାସ୍କର ଓ ସୋନମ କପୁରଙ୍କ ସୁପର୍ ହିଟ୍ ଫିଲ୍ମ ‘ଭିରେ ଦି ୱେଡିଂ’ ବକ୍ସ ଅଫିସ୍ରେ ଧୁମ୍ ମଚାଇ ଦେଇଥିଲା। ଫିଲ୍ମରେ କରୀନା କପୁରଙ୍କ ସମେତ ସମସ୍ତ ହିରୋଇନ୍ଙ୍କ ବୋଲ୍ଡ ଅନ୍ଦାଜ୍ ଦେଖିବାକୁ ମିଳିଥିଲା। ତେବେ ବର୍ତ୍ତମାନ ଏହି ଫିଲ୍ମର ସିକ୍ୱେଲ୍ ତିଆରି ହେବାକୁ ଯାଉଛି। ଫିଲ୍ମ ପ୍ରଯୋଜକ ରିୟା କପୁର ନିଜେ ଏହାକୁ ସ୍ପଷ୍ଟ କରିଛନ୍ତି।
ଇନ୍ଷ୍ଟାଗ୍ରାମ୍ରେ Ask Me Anything ସେଶନ୍ରେ ରିୟାଙ୍କୁ ‘ଭିରେ ଦି ୱେଡିଂ’ ଫିଲ୍ମର ସିକ୍ୱେଲ୍ ବିଷୟରେ ପଚରାଗଲା। ତେବେ ସେ ଏହାର ଉତ୍ତର ଦେଇ କହିଥିଲେ, ‘ମୋତେ ଲାଗୁଛି ଏହା ତିଆରି ହେବାକୁ ଯାଉଛି। ଯେତେ ଶୀଘ୍ର ମୁଁ ଭାବିଥିଲି ତା’ଠୁ ବି ଅଧିକ ଶୀଘ୍ର ଆରମ୍ଭ ହୋଇଛି। ମୁଁ ବହୁତ ଉତ୍ସାହିତ ଅଛି।’
ଫିଲ୍ମ ‘ଭିରେ ଦି ୱେଡିଂ’ର ନିର୍ଦ୍ଦେଶନା ଶଶାଙ୍କ ଘୋଷ କରିଥିଲେ। ଅନିଲ୍ କପୁର, ରିୟା କପୁର, ଏକତା କପୁର, ନିଖିଲ୍ ଓ ଶୋଭା କପୁରଙ୍କ ପ୍ରଡକ୍ସନ୍ରେ ତିଆରି ଏହି ଫିଲ୍ମ ବକ୍ସ ଫିସ୍ରେ ୧୩୮ କୋଟି ଟଙ୍କାର ବିଜ୍ନେସ୍ କରିଛି। ଫିଲ୍ମରେ ୪ ଜଣ ବନ୍ଧୁଙ୍କର କାହାଣୀ ଦେଖାଯାଇଥିଲା ଯାହାକୁ ବେଶ୍ ପସନ୍ଦ କରିଥିଲେ ଦର୍ଶକ। ବିଶେଷ କରି ଯୁବପିଢ଼ିଙ୍କୁ ଫିଲ୍ମଟି ଅଧିକ ଆକର୍ଷିତ କରିପାରିଥିଲା।
https://youtu.be/IZODr96ZRCc