ମୁମ୍ବାଇ: ଦିନକୁ ଦିନ ଅଧିକ ବିପଦପୂର୍ଣ୍ଣ ହୋଇ ପଡୁଛି ସୋଶାଲ ମିଡିଆ ପ୍ଲାଟଫର୍ମ । ପ୍ରତିଦିନ କିଏ ନା କିଏ ନାମୀଦାମୀ ବ୍ୟକ୍ତି ହୁଅନ୍ତି ଅବା ଅଭିନତା କିମ୍ବା ଅଭିନେତ୍ରୀ, ଟ୍ରୋଲ ଶିକାର ହେବାକୁ ପଡିଥାଏ । ନଚେତ ତାଙ୍କୁ କିମ୍ବା ତାଙ୍କ ପରିବାରଙ୍କୁ ଧମକ ମିଳିଥାଏ । ଏହି ଲିଷ୍ଟରେ ଏବେ ଆଉ ଜଣେ ପ୍ରସିଦ୍ଧ ଅଭିନେତ୍ରୀ ସଲମା ଆଗାଙ୍କ ଝିଅଙ୍କ ନାଁ ଯୋଡି ହୋଇଯାଇଛି ।
ନିକଟରେ ସଲମା ଆଗାଙ୍କ ଝିଅ ତଥା ଅଭିନେତ୍ରୀ ଜାରା ଖାନଙ୍କୁ ସୋଶାଲ ମିଡିଆରେ ଦୁଷ୍କର୍ମ ଧମକ ମିଳିଛି । ଏନେଇ ଜାରା ମୁମ୍ବାଇ ଓଶିୱାରା ପୁଲିସ ଷ୍ଟେସନରେ ଅଭିଯୋଗ କରିଛନ୍ତି । ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ତଦନ୍ତ ପରେ ପୁଲିସ ଧମକ ଦେଇଥିବା ବ୍ୟକ୍ତି ଜଣଙ୍କୁ ଚିହ୍ନଟ କରି ଗିରଫ କରିଛି ।
ପୁଲିସ ସୂଚନା ମୁତାବକ ଜେଣ ଯୁବତୀ ଯୁବକଙ୍କ ନାଁରେ ଫେକ ଆଇଡି ଜରିଆରେ ଜାରାଙ୍କୁ ଧମକ ଦେଇଥିବା ପୁଲିସ ସୂଚନା ଦେଇଛି। ଧମକ ଦେଇଥିବା ଯୁବତୀଙ୍କ ନାଁ ନୋରା ସରୱର ବୋଲି ଜଣାପଡିଛି । ୨୩ ବର୍ଷର ଏହି ଯୁବତୀ ଜଣକ ହାଇଦ୍ରାବାଦରେ ରହି ଏମବିଏ ପଢ଼ୁଛନ୍ତି । ତେବେ ସେ କାହିଁକି ଜାରାଙ୍କୁ ଦୁଷ୍କର୍ମ ଧମକ ଦେଉଥିଲେ ସ ନେଇ ପୁଲିସ ତଦନ୍ତ ଜାରି ରଖିଛି ।
ସୂଚନା ଯୋଗ୍ୟ ଯେ, ଜାରା ମଧ୍ୟ ୯୦ ଦଶକର ପ୍ରସିଦ୍ଧ ଅଭିନେତ୍ରୀ ସଲମା ଆଗାଙ୍କ ଭଳି ଜେଣ ଅଭିନେତ୍ରୀ ଏବଂ ଗାୟିକା । ସେ ଔରଙ୍ଗଜେବ, ଦେଶୀ କଟ୍ଟେ ଏବଂ ଖୋଜ ଭଳି ବଲିଉଡ ଫିଲ୍ମରେ ନଜର ଆସିଛନ୍ତି ।