ମୁମ୍ବାଇ: ବଲିଉଡ୍ର ଅନେକ ଅଭିନେତ୍ରୀ ସଲ୍ମାନ୍ ଖାନ୍ଙ୍କ ସହିତ ସ୍କ୍ରିନ୍ ଶେଆର୍ କରିବାକୁ ଚାହାନ୍ତି। କାରଣ ବଲିଉଡ୍ ସୁଲ୍ତାନ୍ଙ୍କ ସହ ଫିଲ୍ମରେ କାମ କରିବା କିଛି ଛୋଟ କଥା ନୁହେଁ। ସେହିପରି ସଲ୍ମାନ୍ ମଧ୍ୟ ଫିଲ୍ମରେ ନୂଆ ନୂଆ ଚେହେରାଙ୍କୁ ଲଞ୍ଚ୍ କରିବାକୁ ପସନ୍ଦ କରନ୍ତି। ସେ ଅନେକ ୟଙ୍ଗ ଅଭିନେତା ଓ ଅଭିନେତ୍ରୀଙ୍କୁ ନିଜ ଫିଲ୍ମରେ ସୁଯୋଗ ଦେଇଛନ୍ତି।
ଗତବର୍ଷ ସଲ୍ମାନ ନିଜ ଫିଲ୍ମ ‘ଭାରତ’ରେ ଦିଶା ପଟାନୀଙ୍କ ସହ ସ୍କ୍ରିନ୍ ଶେଆର୍ କରିଥିଲେ। ପରଦାରେ ଏ ଦୁହିଁଙ୍କ କେମେଷ୍ଟ୍ରି ଦର୍ଶକଙ୍କୁ ବେଶ୍ ଭଲ ଲାଗିଥିଲା। ତେଣୁ ସେ ତାଙ୍କ ଅପ୍କମିଂ ଫିଲ୍ମ ‘ରାଧେ’ରେ ବି ଦିଶାଙ୍କୁ ସୁଯୋଗ ଦେଇଛନ୍ତି। ଏବେ ଚର୍ଚ୍ଚା ହେଉଛି ଯେ ସଲ୍ମାନ୍ ଆଉ ଜଣେ ୟଙ୍ଗ ଅଭିନେତ୍ରୀଙ୍କ ସହ ବି ନଜର ଆସିପାରନ୍ତି।
ସୂଚନାଯୋଗ୍ୟ, ସଲମାନ୍ଙ୍କ ନୂଆ ଫିଲ୍ମ ‘କଭି ଇଦ୍ ଓ କଭି ଦିୱାଲୀ’ର ନିର୍ଦ୍ଦେଶନା ଦେବେ ‘ହାଉସଫୁଲ୍ ୪’ର ନିର୍ଦ୍ଦେଶକ ଫରହାଦ୍ ସାମଜି। ସାଜିଦ୍ ନାଡିଆଡ୍ୱାଲା ଫିଲ୍ମର କାହାଣୀ ଲେଖିଥିବା ବେଳେ ଏହାର ପ୍ରଯୋଜନା ଦାୟିତ୍ୱ ମଧ୍ୟ ନେଇଛନ୍ତି। ଅନ୍ୟପକ୍ଷରେ ସଲ୍ମାନ ଫିଲ୍ମ ‘ରାଧେ’ ମେ’ ୨୨ ତାରିଖରେ ରିଲିଜ୍ ହେବ। ଏଥିରେ ଦିଶା ପଟାନୀ, ଜ୍ୟାକି ଶ୍ରଫ୍ ଓ ରଣଦୀପ୍ ହୁଡ୍ଡା ପ୍ରମୁଖ ଅଛନ୍ତି।