ସଲମାନଙ୍କ ବଡିଗାର୍ଡଙ୍କ ନାମରେ ମୁମ୍ବାଇ ଥାନାରେ ଅଭିଯୋଗ

ମୁମ୍ବାଇ: ବଲିଉଡ ଦବଙ୍ଗ ଖାନ୍ ସଲମାନଙ୍କୁ ସୁରକ୍ଷା ଦେଉଥିବା ବଡିଗାର୍ଡ ସେରାଙ୍କ ନାଁ ମୁମ୍ବାଇ ଥାନାରେ ଅଭିଯୋଗ। ଅଭିଯୋଗ ହୋଇଛି ମାରପିଟ୍‌ ଓ ବନ୍ଧୁକ ଦେଖାଇ ଧମକ ଦେବାକୁ ନେଇ। ଅଭିଯୋଗକାରୀଙ୍କ କହିବାନୁଯାୟୀ ଗତକାଲି ବିଳମ୍ବିତ ରାତିରେ ସେରା ଓ ଅଭିଯୋଗକାରୀଙ୍କ ମଧ୍ୟରେ କୌଣସି କଥାକୁ ନେଇ ମତାନ୍ତର ହୋଇଥିଲା। ଏହି ମତାନ୍ତରକୁ ନେଇ ସେରା ତାଙ୍କୁ ମାରପିଟ୍ କରିଥିଲେ ଓ ବନ୍ଧୁକ ଦେଖାଇ ଧମକ ମଧ୍ୟ ଦେଇଥିଲେ। ଅଭିଯୋଗକାରୀଙ୍କ ତଥ୍ୟ ମୁତାବକ ମୁମ୍ବାଇ ପୋଲିସ ସେରାଙ୍କ ବିରୋଧରେ ଆଇପିସି ଧାରା ୩୨୩, ୩୨୬ରେ ମାମଲା ରୁଜୁ କରିବା ସହ ମାମଲାର ଯାଞ୍ଚ ଆରମ୍ଭ କରିଛି।