ମୁମ୍ବାଇ: ବଲିଉଡ୍ ଅଭିନେତ୍ରୀ ସମୀରା ରେଡ୍ଡୀ କର୍ଣ୍ଣାଟକର ସବୁଠୁ ଉଚ୍ଚ ପାହାଡ଼ ମୁଲାୟନଗିରି ଚଢ଼ି ଶୀର୍ଷ ଦେଶରେ ପହଞ୍ଚିବାରେ ବିଫଳ ହୋଇଛନ୍ତି। ଆଉ ସବୁଠୁ ବଡ଼ କଥା ହେଉଛି, ସେ ତାଙ୍କର ୨ ମାସର ଝିଅ ନାୟରାକୁ ଧରି ଏହି ପାହାଡ଼ ଚଢ଼ିବାକୁ ପ୍ରୟାସ କରିଥିଲେ। ତାଙ୍କର ଏ ସାହସିକତା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି। ଏ ପାହଡ଼ ଚଢ଼ା ନେଇ ସୋମବାର ଅପରାହ୍ନରେ ସମୀରା ତାଙ୍କ ଇନ୍ଷ୍ଟାଗ୍ରାମ୍ ଆକାଉଣ୍ଟ୍ ଜରିଆରେ ଜଣାଇଥିଲେ। ସେ ପାହାଡ଼ ଚଢୁଥିବାର ଫଟୋ ଓ ଭିଡିଓ ପୋଷ୍ଟ୍ କରିଥିଲେ।
ପୋଷ୍ଟ କରିଥିବା ଭିଡିଓରେ ସମୀରା ଲେଖିଥିଲେ,“ନାୟରା ସହିତ ମୁଲାୟନଗିରି ପାହାଡ଼ ଚଢ଼ିବା ପାଇଁ ଚେଷ୍ଟା କରୁଛି। ମୁଁ ନିଃଶ୍ୱାସ ନେଇ ପାରୁନାହିଁ। ତେଣୁ ଅଧାରୁ ପାହାଡ଼ ଚଢ଼ିବା ବନ୍ଦ କରୁଛି। ଏହି ପାହାଡ଼ର ଉଚ୍ଚତା ୬୩୦୦ ଫିଟ୍ ଓ ଏହା କର୍ଣ୍ଣାଟକାର ସବୁଠାରୁ ଉଚ୍ଚ ପାହାଡ଼।”
https://www.instagram.com/p/B3Bl8KwHoex/?utm_source=ig_web_copy_link
ସମୀରାଙ୍କର ଏହି ପୋଷ୍ଟରେ ନୂଆ କରି ମା’ ହୋଇଥିବା ଅନେକ ମହିଳା ପ୍ରତିକ୍ରିୟା ଦେଇଛନ୍ତି। ସେମାନେ ତାଙ୍କଠାରୁ ପ୍ରେରଣା ପାଇଥିବା ଲେଖିଛନ୍ତି। ଏହାର ଜବାବରରେ ସମୀରା ଲେଖିଛନ୍ତି ଯେ ଏନେଇ ସକାରାତ୍ମକ ପ୍ରତିକ୍ରିୟା ମିଳୁଥିବାରୁ ସେ ବହୁତ ଖୁସି।
https://www.instagram.com/p/B28l4y0noAM/?utm_source=ig_web_copy_link
ସମୀରା ୨୦୧୩ରେ ବ୍ୟବସାୟୀ ଅକ୍ଷୟ ଭରଦେଙ୍କୁ ବିବାହ କରିଥିଲେ ଓ ବିବାହ ପରେ ଅଭିନୟ ଛାଡ଼ି ଦେଇଥିଲେ। ୨୦୧୫ରେ ତାଙ୍କ ପୁଅ ଜନ୍ମ ହୋଇଥିଲା। ‘ଟାକ୍ସି ନମ୍ୱର ୯୨୧୧’, ‘ଦେ ଦନା ଦନ୍’ ଓ ‘ମୈନେ ଦିଲ୍ ତୁଝକୋ ଦିୟା’ ପରି ଫିଲ୍ମରେ ସମୀରା ଅଭିନୟ କରିଛନ୍ତି।