ମୁମ୍ୱାଇ: ଇଣ୍ଟରନେଟ୍ର ସେନ୍ସେସନ୍ କିଡ୍ ତଥା ବଲିଉଡ୍ର ଲୋକପ୍ରିୟ ଷ୍ଟାର୍ କିଡ୍ ନବାବ୍ ତୈମୁର୍ ଅଲୀ ଖାନ୍ଙ୍କର ଆଜି ହେଉଛି ଜନ୍ମଦିନ। ଆଜି ସେ ୩ ବର୍ଷରେ ପାଦ ଥାପିଛନ୍ତି। ଏଥିପାଇଁ ଚାରିଆଡୁ ତାଙ୍କ ନିକଟକୁ ଆସୁଛି ଶୁଭେଚ୍ଛାର ବାର୍ତ୍ତା।
ଗତକାଲି ରାତିରେ ବାପା ସୈଫ୍ ଅଲୀ ଖାନ୍ ଓ ମାଆ କରୀନା କପୁର୍ ତାଙ୍କ ଜନ୍ମଦିନକୁ ଧୂମ୍ଧାମ୍ରେ ପାଳନ କରିବା ପାଇଁ ଏକ ପାର୍ଟିର ଆୟୋଜନ କରିଥିଲେ। ଏଥିରେ ପରିବାର ଲୋକଙ୍କ ସହିତ ଅନେକ ବଲିଉଡ୍ ସେଲେବ୍ରିଟି ଯୋଗ ଦେଇଥିଲେ।
ତୈମୁରଙ୍କ ଜନ୍ମଦିନରେ ସବୁଆଡୁ ଶୁଭେଚ୍ଛା ମିଳୁଥିଲେ ମଧ୍ୟ ସୈଫ୍ଙ୍କ ଝିଅ ସାରା ଅଲୀ ଖାନ୍ଙ୍କର ଏକ ପୋଷ୍ଟ ଏବେ ସୋଶାଲ ମିଡିଆରେ ଭାଇରାଲ୍ ହେବାରେ ଲାଗିଛି।
https://www.instagram.com/p/B6RwVyypaSJ/?utm_source=ig_web_copy_link
ସାରା ଶୁଭେଚ୍ଛା ଜଣାଇବା ସହିତ ତୈମୁରଙ୍କ ସହିତ ତାଙ୍କର ଏକାଧିକ ଫଟୋକୁ ଇନ୍ଷ୍ଟାଗ୍ରାମ୍ ପେଜ୍ରେ ଶେଆର୍ କରିଛନ୍ତି। ଏଥିରେ ସେ ଲେଖିଛନ୍ତି, ‘ହାପି ବର୍ଥଡେ ଛୋଟେ ଟିମ୍ ଟିମ୍’।
ସାରା ଶେଆର୍ କରିଥିବା ଅନେକ ଫଟୋରୁ କେଉଁଥିରେ ସେ ତୈମୁରଙ୍କୁ ଖାଇବାକୁ ଦେଉଛନ୍ତି ତ ଅନ୍ୟ କେଉଁଥିରେ ସେ ତାଙ୍କୁ କୋଳେଇ ଧରିଛନ୍ତି। ସେହିପରି ବଡ଼ ଭାଇ ଇବ୍ରାହିମ୍ଙ୍କ ସହିତ ମଧ୍ୟ ତୈମୁରଙ୍କର କିଛି ଫଟୋକୁ ସାରା ଏଥିରେ ଶେଆର୍ କରିଛନ୍ତି। ଏହି ଫଟୋଗୁଡ଼ିକୁ ସୋଶାଲ୍ ମିଡିଆରେ ୟୁଜର୍ ବେଶ୍ ପସନ୍ଦ କରିଛନ୍ତି।
ଗତକାଲି ତୈମୁରଙ୍କ ଜନ୍ମଦିନ ପାର୍ଟିରେ କରନ୍ ଜୋହର୍, ରିତେଶ ଦେଶମୁଖ, ଜେନେଲିଆ ଡିସୌଜାଙ୍କ ପରି ଅନେକ ବଲିଉଡ୍ ଷ୍ଟାର ଯୋଗ ଦେଇଥିଲେ, ଯାହାର ଫଟୋସବୁ ସୋଶାଲ ମିଡିଆରେ ଭାଇରାଲ୍ ହେଉଛି।