ମୁମ୍ବାଇ: ବଲିଉଡର କିଙ୍ଗ ଖାନ ଶାହାରୁଖ ଦୀର୍ଘ ଦିନ ହେବ ବଡ ପରଦାଠାରୁ ଦୂରେଇ ଅଛନ୍ତି । ୨୦୧୮ରେ ଶେଷଥର ପାଇଁ ତାଙ୍କୁ ଫିଲ୍ମ ‘ଜିରୋ’ରେ ଦେଖିବାକୁ ମିଳିଥିଲା। ଫିଲ୍ମଟି ଫ୍ଲପ୍ ହେବା ପରେ ସେ ଅଭିନୟଠାରୁ ବ୍ରେକ ନେଇଥିଲେ । ଶାହାରୁଖ କେବେ ବଡ ପରଦାକୁ କମବ୍ୟାକ୍ କରିବେ ସେ ନେଇ ତାଙ୍କ ପ୍ରଶଂସକମାନେ ଚାହିଁ ରହିଥିଲେ । ନିକଟରେ ଶାହାରୁଖ ତାଙ୍କ ଫ୍ୟାନ୍ସ ପାଇଁ ଖୁସି ଖବର ଦେଇଛନ୍ତି।
ବଲିଉଡର ବାଦଶାହା ଶାହାରୁଖ ଖାନ ଏକ ମଜାଦାର ଭିଡିଓ ଶେଆର କରିଛନ୍ତି । ଶାହାରୁଖ ଶେଆର କରିଥିବା ଏହି ଭିଡିଓରେ ସେ ବେଶ ଖୁସି ଥିବା ଦେଖିବାକୁ ମିଳିଛି । କେବଳ ସେତିକି ନୁହେଁ ସେ ନିଜ କେଶ ସଜାଡୁଥିବା ସହ ମଶା ଘଉ ଡାଉଥିବାର ଦୃଶ୍ୟ ମଧ୍ୟ ଦେଖିବାକୁ ମିଳିଛି। ସେ ଫ୍ୟାନ୍ସଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି, ଯାହାକି ତାଙ୍କ ପ୍ରଶଂସକଙ୍କୁ ବେଶ୍ ଉତ୍ସାହିତ କରିଛି । ୨୦୨୧ ମସିହାରେ ସେ ବଡ ପରଦାକୁ ପୁଣିଥରେ କମବ୍ୟାକ କରିବେ ବୋଲି କହିଛନ୍ତି।
View this post on Instagram
ଭିଡିଓ ଆରମ୍ଭରୁ ଶାହାରୁଖ ୨୦୨୦ ମସିହା କିପରି ସମସ୍ତଙ୍କ ପାଇଁ ଖରାପ ଗଲା ସେ ବିଷୟରେ କହିଛନ୍ତି। ୨୦୨୧ରେ ତାହା ପୁନରାବୃତ୍ତି ନ ହେଉ, ଏହି ବର୍ଷ ସମସ୍ତଙ୍କ ପାଇଁ ଭଲ ଫଳ ଦେଉ ବୋଲି ଆଶା ରଖି ପ୍ରଶଂସକମାନଙ୍କୁ ଉତ୍ସାହିତ କରିଛନ୍ତି। ଶାହାରୁଖଙ୍କର ଏହି ୨ ମିନିଟ୍ର ଭିଡିଓଟି ସୋଶାଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ଏହାକୁ ପ୍ରଶଂସକମାନେ ଖୁବ୍ ପସନ୍ଦ କରିଛନ୍ତି।
ସୂଚନା ଯୋଗ୍ୟ ଯେ, ଖୁବଶୀଘ୍ର ଶାହାରୁଖ ଖାନ ତାଙ୍କ ଅପକମିଂ ଫିଲ୍ମ ’ପଠାନ’ରେ ନଜର ଆସିବେ । ଏଥିରେ ଶାହାରୁଖ ଲିଡ୍ ରୋଲରେ ଥିବା ବେଳେ ତାଙ୍କ ଅପୋଜିଟରେ ଦୀପିକା ପାଦୁକୋନ ଅଛନ୍ତି । ଦୀପିକା ଏହି ଫିଲ୍ମର ପ୍ରଥମ ପର୍ଯ୍ୟୟ ଶୁଟିଂ ସାରି ଦେଇଥିବା ଶୁଣିବାକୁ ମିଳିଛି । ଏହା ବ୍ୟତୀତ ଅନ୍ୟ ପ୍ରମୁଖ ଭୂମିକରେ ସଲମାନ ଖାନଙ୍କୁ ମଧ୍ୟ ଦେଖିବାକୁ ମିଳିବ ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
