ମୁମ୍ବାଇ: ସରିଯାଇଛି ଆଲୋକର ପର୍ବ ଦୀପାବଳି। କିନ୍ତୁ ଦୀପାବଳିକୁ ନେଇ ଟ୍ରଲ ହେବା ଏବେ ବି ସରିନି। ଆଜ୍ଞା ହଁ ଆମେ କହୁଛୁ ସାହିଦ୍ କପୁର ଓ ତାଙ୍କ ପତ୍ନୀ ମୀରା ରାଜ୍ପୁତଙ୍କ କଥା। ଦୁହେଁ ଦୀପାବଳିରେ ଏକ ଫଟୋ ଶେୟାର କରି ନିଜ ଫ୍ୟାନ୍ମାଙ୍କୁ ଶୁଭକାମନା ଜଣାଇଛନ୍ତି ସତ ହେଲେ ଏମିତି ଏକ ଫଟୋ ପୋଷ୍ଟ୍ କରିଛନ୍ତି ଯେଉଁଥିପାଇଁ ଏବେ ଟ୍ରଲ ହେଉଛନ୍ତି।
ମୀରା ରାଜ୍ପୁତ୍ ଦୀପାବଳି ଅବସରରେ ସାହିଦ୍ଙ୍କୁ ଦୀପାବଳିର ଶୁଭେଚ୍ଛା ଜଣାଇ ସାହିଦ୍ଙ୍କ ସହ ଲିପ୍ କିସ୍ କରୁଥିବାର ଏକ ଫଟୋ ନିଜ ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି।
ଯାହାକି ତାଙ୍କ ଫ୍ୟାନ୍ମାନଙ୍କୁ ପସନ୍ଦ ଆସୁନି। ତେଣୁ ଫ୍ୟାନ୍ମାନେ ସେମାନଙ୍କୁ ସମାଲୋଚନା କରିଛନ୍ତି।
ଦୀପାବଳିରେ ଏଇ ଫଟୋ ପୋଷ୍ଟ୍ କରିବାକୁ ଫ୍ୟାନ୍ମାନେ ଅନୁଚିତ୍ କହି ଭିନ୍ନ ଭିନ୍ନ କମେଣ୍ଟ୍ ଦେଇଛନ୍ତି।
ଜଣେ ୟୁଜର ଲେଖିଛନ୍ତି “ଏହା ଦୀପାବଳି, ହନିମୁନ୍ ନୁହେଁ”। ଆଉ ଜଣେ ୟୁଜର ଲେଖିଛନ୍ତି “ଥାର୍ଡ୍ କ୍ଲାସ୍ ଦୀପାବଳି, ଲଜ୍ଜା ରଖ”।
ପୁଣି ଆଉ ଜଣେ ଫ୍ୟାନ୍ ଏହାକୁ ବ୍ୟକ୍ତିଗତ ବୋଲି କହି ଖୁବ୍ ନିନ୍ଦା କରିଛନ୍ତି। ଲେଖିଛନ୍ତି, “କାହିଁକି ଦୁନିଆକୁ ନିଜ ପ୍ରେମ ଦେଖାଉଛ। ନିଜ ବ୍ୟକ୍ତିଗତ ଜୀବନକୁ ବ୍ୟକ୍ତଗତ ରଖ”। ଏମିତି କି ନିଜ କମେଣ୍ଟରେ ଜଣେ ଫ୍ୟାନ୍ ଦୀପାବଳି ଓ ଭ୍ୟାଲେନ୍ଟାନ୍ସ ଡେ’ର ଫରକ ମଧ୍ୟ ଏହି ସେଲିବ୍ରିଟି ଦମ୍ପତିଙ୍କୁ ବୁଝାଇ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
