ମୁମ୍ବାଇ: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ଏମସ୍ ଡାକ୍ତରୀ ପ୍ୟାନେଲର ରିପୋର୍ଟ ପୂରା ମାମଲାକୁ ଏବେ ଭିନ୍ନ ମୋଡ଼ ଦେଇଛି। ଗତ ତିନି ମାସ ଧରି ଯେଉଁ ମାମଲାକୁ ନେଇ ତୀବ୍ର ଅସନ୍ତୋଷ, ବାଦ-ବିବାଦ, ସୋଶାଲ ମିଡିଆ ଅଭିଯାନ ଚାଲିଥିଲା, ଏମସ୍ ରିପୋର୍ଟ ସବୁ କଳ୍ପନାଜଳ୍ପନାକୁ ଏକ ଭିନ୍ନ ଦିଗକୁ ନେଇଯାଇଛି। ରିପୋର୍ଟ ଅନୁଯାୟୀ, ସୁଶାନ୍ତ ଆତ୍ମହତ୍ୟା କରିଛନ୍ତି। ତାଙ୍କର ହତ୍ୟା ହୋଇନାହିଁ। ହେଲେ ଏମସ୍ ରିପୋର୍ଟକୁ ନେଇ ଅନେକ ଲୋକ ଏବେ ପ୍ରଶ୍ନବାଚୀ ସୃଷ୍ଟି କରୁଛନ୍ତି।
ଅଭିନେତା ଶେଖର ସୁମନ ଏମସ୍ ରିପୋର୍ଟକୁ ଅସ୍ୱୀକାର କରିଛନ୍ତି। ତାଙ୍କ ଅନୁଯାୟୀ, ଦୀର୍ଘ ସମୟ ଧରି ବିପରୀତ ଦିଗରେ ଏହି ମାମଲା ଚାଲିଥିଲା। ସେ ଏକାଧିକ ଟ୍ୱିଟ୍ କରି ନିଜର ଆକ୍ରୋଶ ପ୍ରକାଶ କରିଛନ୍ତି। ସେ ଲେଖିଛନ୍ତି, ଆମେ ସମସ୍ତେ ସୁଶାନ୍ତଙ୍କୁ ନ୍ୟାୟ ଦେବାକୁ ଦୀର୍ଘ ସମୟ ଧରି ଲଢ଼ିଥିଲୁ। ସମସ୍ତେ ଡରି ନ ଯାଇ, ଥକି ନ ଯାଇ ନିଜର ସ୍ୱର ଶାଣିତ କରିଥିଲେ। ହେଲେ ଦୁଃଖର ବିଷୟ, ଏହି ମାମଲା ଭିନ୍ନ ଏକ ଦିଗରେ ଆଗକୁ ବଢ଼ିଲା। ଅନେକ ଭୁଲ ହେଲା। ମିଡିଆର ଏକ ଭାଗ ମଧ୍ୟ ଏହି ମାମଲାକୁ ନିଜ ସ୍ୱାର୍ଥ ପାଇଁ ବ୍ୟବହାର କଲା ବୋଲି ଶେଖର ନିଜ ପ୍ରତିକ୍ରିୟାରେ କହିଛନ୍ତି।
We all fought for Sushant's justice for so long selflessly,relentlessly,fearlessly continuously.Sadly,the case went all over the place.There were so many loopholes.N some section of the media used it for its purpose.we have been taken for a ride by so many.
— Shekhar Suman (@shekharsuman7) October 4, 2020
ସେ ଆହୁରି ମଧ୍ୟ କହିଛନ୍ତି, ଆମେ ପରାଜୟ ସ୍ୱିକାର କରିବୁ ନାହିଁ। ଏବେ ବି ଏକ ଆଶାର କିରଣ ଦେଖାଯାଉଛି। ସିବିଆଇ ନିଜ ରିପୋର୍ଟ ଫାଇଲ୍ କରିବ। ଯଦି ସିବିଆଇ ରିପୋର୍ଟ ମଧ୍ୟ ଠିକ୍ ଆସିବ ନାହିଁ ତେବେ ଆମେ ଆମ ହୃଦୟରେ ଏହି ଲଢ଼େଇ ଜାରି ରଖିବା। କାରଣ ଆମେ ସତ କଣ ଆମେ ଜାଣିଛୁ। ସତର କେବେ ମୃତ୍ୟୁ ହୁଏନାହିଁ ବୋଲି ଶେଖର କହିଛନ୍ତି।
But we won't give up.Not yet.There is a tiny glimmer of hope still left when the CBI files its report.Even if that is adverse we shall keep fighting in our heart of hearts for we know the truth.And truth never dies.#SSRcase
— Shekhar Suman (@shekharsuman7) October 4, 2020
କେବଳ ଏତିକି ନୁହେଁ ସୁଶାନ୍ତ ମୃତ୍ୟୁ ମାମଲାକୁ ହାଇଜାକ୍ କରାଯାଇଛି ବୋଲି ମଧ୍ୟ ଶେଖର ଅଭିଯୋଗ କରିଛନ୍ତି। ସେ ଟ୍ୱିଟ୍ କରିଛନ୍ତି, "ଏମସ୍ ରିପୋର୍ଟ ନେଗେଟିଭ୍ ଆସିଛି। ମୁଁ ଜାଣିଥିଲି ଏପରି ହିଁ ହେବ। ବହୁ ପୂର୍ବରୁ ଏହି ଚେତାବନୀ ମୋତେ ଅନୁଭବ ହେଉଥିଲା। ଏହି ମାମଲା ହାଇଜାକ୍ ହୋଇଯାଇଥିଲା, ଡାଇଭର୍ଟ କରାଯାଇଛି। ମୁଁ ଦୁଃଖୀ, ମୋ ହୃଦୟ ଭାଙ୍ଗିଯାଇଛି.."
AIIMS report has come negative.i knew this wd https://t.co/x5927idiMm was a foregone conclusion.ive been warning for a long time that the case has beeen hijacked,diverted mutilated.Disappointed,dejected,despaired,disheartened to so say the least.
— Shekhar Suman (@shekharsuman7) October 3, 2020
ଶେଖର ସୁମନଙ୍କ କହିବା ହେଲା ସୁଶାନ୍ତଙ୍କ ମାମଲାକୁ ହାଇଜାକ୍ କରାଯାଇଛି। ତଦନ୍ତକୁ ନେଇ ଅନେକ ପ୍ରକାର ପ୍ରଶ୍ନବାଚୀ ମଧ୍ୟ ସୃଷ୍ଟି ହେଉଛି। ପ୍ରଥମରୁ ହିଁ ମୁମ୍ବାଇ ପୁଲିସର ତଦନ୍ତକୁ ନେଇ ଶେଖର ସନ୍ତୁଷ୍ଟ ନ ଥିଲେ। ଏବେ ସିବିଆଇ ଓ ଏମସ୍ ରିପୋର୍ଟକୁ ନେଇ ଶେଖର ପ୍ରଶ୍ନ ଉଠାଇଛନ୍ତି। ତେବେ ଏହା ପଛରେ କାରଣ ଯାହା ହେଉ କି ନାହିଁ। କିନ୍ତୁ ସୋଶାଲ ମିଡିଆରେ କିନ୍ତୁ ଶେଖରଙ୍କ ଟ୍ୱିଟକୁ ନେଇ ଖୁବ୍ ଚର୍ଚ୍ଚା।