ମାତ୍ର ୫୦ ଦିନରେ ୧ କୋଟି

ମୁମ୍ବାଇ: ବଲିଉଡ୍‌ର ଫିଟ୍‌ନେସ୍‌ କ୍ୱିନ୍‌ ଅଭିନେତ୍ରୀ ଶିଳ୍ପା ଶେଟ୍ଟୀ ସୋଶାଲ୍ ମିଡିଆରେ ଭାରି ଆକ୍ଟିଭ୍ ରହନ୍ତି। ଅନେକ ସମୟରେ ସେ ନିଜର ଫଟୋ ଓ ଭିଡିଓ ଫ୍ୟାନ୍‌ଙ୍କ ସହ ଶେଆର୍‌ କରନ୍ତି। ତେବେ ଶିଳ୍ପା ଇନ୍‌ଷ୍ଟାଗ୍ରାମ୍‌ରେ ନିଜ ଫ୍ୟାନ୍‌ଙ୍କ ସହ ଆଉ ଏକ ଖୁସି ଖବର ଶେଆର୍‌ କରିଛନ୍ତି।

ଶିଳ୍ପା ଇନ୍‌ଷ୍ଟାରେ ଏକ ଭିଡିଓ ଶେଆର୍‌ କରି ଜଣାଇଛନ୍ତି ଯେ ଟିକ୍‌ଟକ୍‌ରେ ମାତ୍ର ୫୦ ଦିନରେ ତାଙ୍କର ୧ କୋଟି ଫଲୋୟର୍‌ ହୋଇଯାଇଛନ୍ତି। ଏଥିରେ ସେ କହୁଛନ୍ତି, “କେହି କ’ଣ ମାତ୍ର ୫୦ ଦିନରେ ଏକ କୋଟି ବନେଇପାରିବ। ମୁଁ ବନେଇଛି। ହେଲେ ମୁଁ ଏକା ନୁହେଁ, ଆପଣ ଓ ମୁଁ ମିଶି ଏକ କୋଟି ହୋଇଯାଇଛେ। ଏକ କୋଟିର ‘ଟିକ୍‌ଟକ୍‌ ଫ୍ୟାମିଲି’। ‌ଆପଣ ସମସ୍ତଙ୍କର ବହୁତ ଧନ୍ୟବାଦ୍।” ଶିଳ୍ପା ବହୁତ କମ୍‌ ଦିନରେ ଟିକ୍‌ଟକ୍‌ରେ ଏତେ ଫଲୋୟର୍‌ ପାଇଛନ୍ତି।

ସୂଚନାଯୋଗ୍ୟ, ଶିଳ୍ପା ବଡ଼ ପରଦାରୁ ବହୁତ ଦିନ ହେବ ଦୂରେ ରହିବା ପରେ ପୁଣି କମ୍‌ବ୍ୟାକ୍ କରିଛନ୍ତି। ଆଗକୁ ତାଙ୍କ ଫିଲ୍ମ ‘ନିକମ୍ମା’ ଆସିବ। ଏହାପରେ ସେ ପରେଶ ରାୱଲଙ୍କ ସହ ‘ହଙ୍ଗାମା’ର ସିକ୍ୱେଲ୍‌ରେ ନଜର ଆସିବେ। ବଲିଉଡ୍‌କୁ ତାଙ୍କ କମ୍‌ବ୍ୟାକ୍‌ ନେଇ ସେ ଓ ତାଙ୍କ ଫ୍ୟାନ୍‌ମାନେ ବେଶ୍‌ ଉତ୍ସାହିତ ଅଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।