ଶ୍ରୀତମ ଦାସ ଆହତ

ଶୁଟିଂ ବେଳେ ଆହତ ହୋଇଛନ୍ତି ଓଲିଉଡ୍ ଅଭିନେତା ତଥା ରାଜନେତା ଶ୍ରୀତମ ଦାସ। ଏକ ଫିଲ୍ମର ଶୁଟିଂ ଚାଲିଥିବା ବେଳେ ଘୋଡ଼ା ପିଠିରୁ ପଡ଼ି ସେ ଆହତ ହୋଇଛନ୍ତି।

ଶ୍ରୀତମଙ୍କ ଡାହାଣ ହାତରେ ଗଭୀର ଆଘାତ ଲାଗିଛି। ତାଙ୍କୁ ଭୁବନେଶ୍ୱରର ଏକ ଘରୋଇ ମେଡିକାଲରେ ଭର୍ତ୍ତି କରାଯାଇଛି।

୧୯୯୫ ମସିହାରେ ରିଲିଜ୍ ହୋଇଥିବା ‘ସାବିତ୍ରୀ’ ହେଉଛି ଶ୍ରୀତମଙ୍କ ପ୍ରଥମ ଫିଲ୍ମ। ସେ ‘କାଶିଆ କପିଳା’, ‘ବାବୁ ପର୍ଶୁରାମ’, ‘ବାଜି’, ‘ରହିଚି ରହିବି ତୋରି ପାଇଁ’, ‘ବାହୁଡ଼ିବେ ମୋ ଜଗାବଳିଆ’, ‘ସାଥୀରେ’, ‘ଲକ୍ଷ୍ମୀ ପ୍ରତିମା’, ‘ଜୟ ଜଗନ୍ନାଥ’ ଓ ’ତୁ ଥା ମୁଁ ଯାଉଛି ରୁଷି’ ଭଳି ଅନେକ ଓଡ଼ିଆ ଫିଲ୍ମରେ କାମ କରିଛନ୍ତି। ଟେଲିଭିଜିନରେ ବିଭିନ୍ନ ରିଅଲିଟି ଶୋ’ରେ ବିଚାରକ ଭାବେ ମଧ୍ୟ ଦାୟିତ୍ୱ ତୁଲାନ୍ତି ଶ୍ରୀତମ।

ଶ୍ରୀତମ ଦାସ ପ୍ରତ୍ୟକ୍ଷ ରାଜନୀତିରେ ଅଛନ୍ତି। ସେ ଗତ ବର୍ଷ କଟକ ମହାନଗର ନିଗମ ନିର୍ବାଚନରେ ବିଜେପି ପକ୍ଷରୁ ମେୟର ପ୍ରାର୍ଥୀ ହୋଇଥିଲେ।