ମୁମ୍ବାଇ: ରିଲିଜ୍ ହୋଇଯାଇଛି ବହୁ ପ୍ରତିକ୍ଷୀତ ଫିଲ୍ମ ‘କଲଙ୍କ’। ଫିଲ୍ମ ରିଲିଜ୍ ହେବା ପରେ ଦର୍ଶକଙ୍କ ମିଶ୍ର ପ୍ରତିକ୍ରିୟା ଦେଖିବାକୁ ମିଳିଛି। ଏଥିରେ ତିନି ତିନି ଜଣ ଲୋକପ୍ରିୟ ଅଭିନେତ୍ରୀଙ୍କୁ ଦେଖିବାକୁ ମିଳିଛି। ଫିଲ୍ମରେ ବଲିଉଡ୍ର ଧକ୍ ଧକ୍ ଗାର୍ଲ୍ ମାଧୁରୀ ଦିକ୍ଷୀତ୍ଙ୍କ ଡ୍ୟାନ୍ସ ସମସ୍ତଙ୍କୁ ଦିୱାନା କରିଛି।
ତାଙ୍କ ଡ୍ୟାନ୍ସ ଓ ଏକ୍ସପ୍ରେସନ୍ ହିଁ ବଲିଉଡ୍ରେ ତାଙ୍କୁ ଏକ ସ୍ୱତନ୍ତ୍ର ପରିଚୟ ଦେଇଛି। ଏଥିପାଇଁ ଅନେକ ବଲିଉଡ୍ ଅଭିନେତ୍ରୀ ତାଙ୍କ ସହ ଡ୍ୟାନ୍ସ କରିବାକୁ ବା ସ୍କ୍ରିନ୍ ଶେଆର କରିବାକୁ ଚାହାନ୍ତି। ଏମିତି ଏବେକାର ଅଭିନେତ୍ରୀଙ୍କ ପାଇଁ ମାଧୁରୀ ଜଣେ ଆଦର୍ଶ କହିଲେ ବି ଅତ୍ୟୁକ୍ତି ହେବ ନାହିଁ। ଆଉ ଏବେ ସେ ସୁଯୋଗ ମିଳିଛି ଅଭିନେତ୍ରୀ ଆଲିଆ ଭଟ୍ଟ ଓ ସୋନାକ୍ଷୀ ସିହ୍ନାଙ୍କୁ।
ଜାଣିଛନ୍ତି ସୋନାକ୍ଷୀ ଏହି ଫିଲନ୍ମ କାମ କରି ଖୁସି ନାହାନ୍ତି। ତାଙ୍କର କହିବା ଅନୁଯାୟୀ ତାଙ୍କ ଇଚ୍ଛା ପୂରା ହୋଇ ନାହିଁ। ‘କଲଙ୍କ’ ପ୍ରମୋଶନ୍ କରିବା ବେଳେ ସୋନାକ୍ଷୀ ଏକଥାର ଖୁଲାସା କରିଛନ୍ତି।
ତେବେ ଏହି କଥା କହି ଦୁଃଖ ପ୍ରକାଶ କରିବା ସହ ତାଙ୍କୁ ଡ୍ୟାନ୍ସ କରିବାକୁ ସୁଯୋଗ ନ ମିଳିଲେବି ତାଙ୍କୁ ମାଧୁରୀଙ୍କ ସହ କାମ କରିବାକୁ ସୁଯୋଗ ମିଳିଥିବାରୁ ସେ ଖୁସି ଥିବା କହିଛନ୍ତି।
https://youtu.be/0f66_FOVK2M
ଅନ୍ୟପଟେ ସେହି ପ୍ରମୋଶନ୍ରେ ଆଲିଆ କହିଛନ୍ତି, ‘‘ମାଧୁରୀଙ୍କ ସହ କାମ କରିବାର ସୁଯୋଗ ମିଳିବା ସହ ଡ୍ୟାନ୍ସ କରିବାର ଅଭିଜ୍ଞତା ବି ଖୁବ୍ ଭଲ ଥିଲା।’’
କିନ୍ତୁ ଆଲିଆ କହିଥିଲେ, ସେ ମାଧୁରୀଙ୍କ ସହ କାମ କଲାବେଳେ ଟିକେ ନର୍ଭସ୍ ହୋଇଯାଉଥିଲେ । କିନ୍ତୁ ମାଧୁରୀ ହସି ଦେଇ ତାଙ୍କ ନର୍ଭସ୍କୁ ଦୂର କରିଦେଉଥିଲେ। ମାଧୁରୀଙ୍କ ସହ କାମ କରି ତାଙ୍କୁ ବହୁତ କିଛି ଶିଖିବାକୁ ସୁଯୋଗ ମିଳିଥିବା କଥା ମଧ୍ୟ ଆଲିଆ କହିଥିଲେ।