କୋଲକାତା: ଲୋକପ୍ରିୟ ଅଭିନେତା ସୋନୁ ସୁଦ୍ କରୋନା ସଙ୍କଟ ସମୟରେ ପ୍ରବାସୀ ଶ୍ରମିକଙ୍କ ମନଖୋଲି ସହାୟତା କରିଛନ୍ତି। ଏହି କାରଣରୁ ଆଜି ଘରେ ଘରେ ଖାଲି ଜଣେ ଅଭିନେତା ହିସାବରେ ନୁହେଁ ବରଂ ଜଣେ ପ୍ରକୃତ ହିରୋ ଭାବେ ପରିଚିତ। ଯେତେ ବଡ଼ ସମସ୍ୟା ବା ଅସୁବିଧା ହେଉନା କାହିଁକି, ସୋନୁ ସମସ୍ତଙ୍କୁ ହୃଦୟ ଖୋଲି ସହାୟତା କରନ୍ତି।
ଲକଡାଉନ ସମୟରେ କେତେବେଳେ ସ୍ୱତନ୍ତ୍ର ବସ୍ ବ୍ୟବସ୍ଥା କରି ପ୍ରବାସୀ ଶ୍ରମିକମାନଙ୍କୁ ନିଜ ରାଜ୍ୟକୁ ଫେରିବାରେ ସାହାଯ୍ୟ କରିଛନ୍ତି, ତ କେତେବେଳେ ବିଦେଶରେ ଫସିଥିବା ଛାତ୍ରଛାତ୍ରୀଙ୍କୁ ବିମାନ ଯୋଗେ ଭାରତ ଫେରାଇ ଆଣିଛନ୍ତି। ସାଧାରଣ ଲୋକଙ୍କୁ ସହାୟତା କରିବାକୁ ସର୍ବଦା ପ୍ରସ୍ତୁତ ରହିଥିବା ସୋନୁ ଆଜି ଅନେକଙ୍କ ପାଇଁ ଭଗବାନ ଭଳି।
West Bengal: A Durga puja committee has chosen the hardships faced by migrant labourers during COVID-induced lockdown as the theme for its puja pandal in Kolkata. The committee has also installed an idol of actor Sonu Sood to honour his service to the labourers during lockdown. pic.twitter.com/dTLlJyetdG
— ANI (@ANI) October 21, 2020
ସୋନୁଙ୍କୁ ତାଙ୍କ ଭଲ କାମ ପାଇଁ ସମ୍ମାନ ଜଣାଇବାକୁ କୋଲକାତାର ଏକ ଦୁର୍ଗା ପୂଜା ମଣ୍ଡପରେ ତାଙ୍କର ଏକ ପ୍ରତିମୂର୍ତ୍ତି ସ୍ଥାପନ କରାଯାଇଛି। ମଣ୍ଡପର ଥୀମ୍ ଅନୁଯାୟୀ ଆଖ ପାଖରେ ପ୍ରବାସୀ ଶ୍ରମିକଙ୍କୁ ରଖାଯାଇଛି। ସେମାନଙ୍କ ଦୁଃଖ, ଯନ୍ତ୍ରଣା ପ୍ରଦର୍ଶନ କରାଯାଇଛି। ଅନ୍ୟପଟେ ସୋନୁ ସେମାନଙ୍କୁ ସାନ୍ତ୍ୱନା ଦେଉଥିବା ମଧ୍ୟ ଦେଖିବାକୁ ମିଳିଛି। ଉକ୍ତ ମଣ୍ଡପର ଥୀମ୍ ଅନୁଯାୟୀ, ଲୋକଙ୍କ ପ୍ରକୃତ ହିରୋ ସୋନୁଙ୍କୁ ମନଖୋଲି ପ୍ରଶଂସା କରାଯାଇଛି।
We have installed a statue of actor Sonu Sood so that people can take inspiration from him to help people in need: Srinjay Dutta, member of Prafulla Kanan Welfare Association, in Kolkata https://t.co/6ne3v3FAZF pic.twitter.com/VD8clsa6O9
— ANI (@ANI) October 21, 2020
ପ୍ରଫୁଲ୍ଲ କନ୍ନନ ଓ୍ୱେଲଫେୟାର ଆସୋସିଏସନ ପକ୍ଷରୁ ଏହି ଆୟୋଜନ କରାଯାଇଛି। ସୋନୁଙ୍କ ସମ୍ମାନାର୍ଥେ ଏବଂ ଗରିବଙ୍କ ସହାୟତା ଲାଗି ଅନ୍ୟମାନଙ୍କୁ ପ୍ରେରିତ କରିବା ଉଦ୍ଦେଶ୍ୟରେ ଏଭଳି ଥିମ୍ ରଖାଯାଇଛି। ମଣ୍ଡପର କେତେକ ଫଟୋ ଏବେ ସୋଶାଲ ମିଡିଆରେ ମଧ୍ୟ ଭାଇରାଲ ହେଉଛି।
My biggest award ever 🙏 https://t.co/4hOUeVh2wN
— sonu sood (@SonuSood) October 21, 2020
ଅନ୍ୟପଟେ ଖୋଦ୍ ସୋନୁ ସୁଦ୍ ମଧ୍ୟ ଏନେଇ ଟ୍ୱିଟ୍ କରିଛନ୍ତି। ସେ କହିଛନ୍ତି, ଏହା ହେଉଛି ତାଙ୍କ ଜୀବନର ସବୁଠାରୁ ବଡ଼ ସମ୍ମାନ।