କାନ୍(ଫ୍ରାନ୍ସ): ଦକ୍ଷିଣ କୋରିଆର ବଙ୍ଗ୍-ଜୁନ୍-ହୋ ନିର୍ଦ୍ଦେଶିତ ଫିଲ୍ମ ‘ପାରାସାଇଟ୍’ କାନ୍ ଫିଲ୍ମ ଫେଷ୍ଟିଭାଲ୍ରେ ଶ୍ରେଷ୍ଠ ଫିଲ୍ମ ବିବେଚିତ ହୋଇ ମର୍ଯ୍ୟାଦାପୂର୍ଣ୍ଣ 'ପାମଡୋର୍' ପୁରସ୍କାର ଜିତିଛି।
ହ୍ୟୁମର୍ ଏବଂ ସସ୍ପେନ୍ସକୁ ନେଇ ଏହି ଫିଲ୍ମ ତିଆରି ହୋଇଛି। ଏହା ଫିଲ୍ମର ନିର୍ଦ୍ଦେଶକ, ଅଭିନେତା-ଅଭିନେତ୍ରୀ ଓ ପ୍ରଯୋଜକଙ୍କ ପାଇଁ ଗର୍ବ ଓ ଗୌରବ ଆଣିଦେଇଛି। କାରଣ, ବିଶ୍ୱର ସବୁଠୁ ମର୍ଯ୍ୟାଦାସମ୍ପନ୍ନ ଓ ବଡ଼ ଫିଲ୍ମ ଫେଷ୍ଟିଭାଲ୍ରେ ପ୍ରଥମ ସାଉଥ୍ କୋରିଆନ୍ ଫିଲ୍ମ ଭାବେ 'ପାମଡୋର୍’ ପୁରସ୍କାର ଜିତି ନୂଆ ଇତିହାସ ସୃଷ୍ଟି କରିଛି।