ମୁମ୍ବାଇ: ପାଖାପାଖି ଦୁଇବର୍ଷ ହୋଇଗଲାଣି ବଲିଉଡ୍ କିଙ୍ଗ୍ ଶାହାରୁଖ ଖାନ୍ ପରଦାରୁ ଦୂରେଇ ଅଛନ୍ତି। ୨୦୧୮ରେ ଆସିଖିବା ଫିଲ୍ମ ‘ଜିରୋ’ ପରେ ସେ ଆଉ କୌଣସି ଫିଲ୍ମରେ ନଜର ଆସିନାହାଁନ୍ତି। ହେଲେ ଏବେ ଖବର ଆସିଛି ଯେ ସେ ଫିଲ୍ମ ‘ଶେରଶାହ’ରେ ନଜର ଆସିବେ।
ତେବେ ଫିଲ୍ମରେ ଶାହାରୁଖ ରୋଲ୍ ଛୋଟ ହେଲେ ବି ଏହା ବହୁତ ପ୍ରଭାବଶାଳୀ ହେବ। ଶାହାରୁଖଙ୍କ ଭୂମିକା ବିକ୍ରମଙ୍କ ଜୀବନରେ ବେଶ୍ ଗୁରୁତ୍ୱପୂର୍ଣ୍ଣ ହେବ, ଯିଏ କି ବିକ୍ରମଙ୍କ ଜୀବନକୁ ଏକ ନୂଆ ମୋଡ଼ ଦେବାରେ ସାହାଯ୍ୟ କରିଥିଲେ।
https://www.instagram.com/p/B7XXct2BnPY/?utm_source=ig_web_copy_link
ଫିଲ୍ମର ପ୍ରଥମ ଲୁକ୍ର ପୋଷ୍ଟର ମଧ୍ୟ ରିଲିଜ୍ ହୋଇସାରିଛି। ବୀର ଯବାନ୍ କ୍ୟାପ୍ଟେନ୍ ବିକ୍ରମ ବତ୍ରାଙ୍କ ଆର୍ମୀ ଲୁକ୍ରେ ସିଦ୍ଧାର୍ଥ ବେଶ୍ ଦମ୍ଦାର୍ ଦେଖାଯାଉଛନ୍ତି। ଫିଲ୍ମରେ ଦର୍ଶକ ୧୯୯୯ ମସିହାର କାର୍ଗିଲ୍ ଯୁଦ୍ଧର କାହାଣୀ ଦେଖିବାକୁ ପାଇବେ। ଫିଲ୍ମରେ ସିଦ୍ଧାର୍ଥ ଓ କିୟାରାଙ୍କ ବ୍ୟତୀତ ଜାଭେଦ୍ ଜାଫ୍ରି, ହିମାଂଶୁ ମଲହୋତ୍ରା ଓ ପରେଶ ରାୱଲ୍ ମଧ୍ୟ ନଜର ଆସିବେ। ପରେଶ ରାୱଲ୍ ଏଥିରେ ପୂର୍ବତନ ପ୍ରଧାନମନ୍ତ୍ରୀ ଶ୍ରୀ ଅଟଳବିହାରୀ ବାଜପେୟୀଙ୍କ ଭୂମିକାରେ ଅଭିନୟ କରିଛନ୍ତି। ବିଷ୍ଣୁ ବର୍ଦ୍ଧନଙ୍କ ନିର୍ଦ୍ଦେଶନା ତିଆରି ହୋଇଥିବା ଏହି ଫିଲ୍ମଟି ଜୁଲାଇ ୩ରେ ପରଦାକୁ ଆସିବ। ଫିଲ୍ମଟିକୁ କରଣ ଜୋହର୍ ଓ ଶବୀର ବକ୍ସବାଲା ମିଶି ଏହାର ପ୍ରଯୋଜନା କରିଛନ୍ତି।