ମୁମ୍ବାଇ: ବଲିଉଡର ଦିବଙ୍ଗତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ବାପା କେକେ ସିଂହ ଅସୁସ୍ଥ । ତାଙ୍କୁ ଫରିଦାବାଦର ଏସିଆନ ହସ୍ପିଟାଲରେ ଭର୍ତ୍ତି କରାଯାଇଛି । ହୃଦରୋଗ ଜନିତ ସମସ୍ୟା ଯୋଗୁଁ ହସ୍ପିଟାଲରେ ଆଡମିଟ କରାଯାଇ ତାଙ୍କ ଚିକିତ୍ସା ଚାଲିଛି । ତେବେ ତାଙ୍କ ଅବସ୍ଥା ବର୍ତ୍ତମାନ ସ୍ଥିର ଥିବା ସୂଚନା ମିଳିଛି ।
ସୋଶାଲ ମିଡିଆରେ ସୁଶାନ୍ତଙ୍କ ବାପା କେକେ ସିଂହ ଅସୁସ୍ଥ ଥିବା ନେଇ ପ୍ରସିଦ୍ଧ ଫଟୋଗ୍ରାଫର ବିରଲ ଭୟାନୀ ସୂଚନା ଦେଇଛନ୍ତି । ସେ ତାଙ୍କ ଇନଷ୍ଟାଗ୍ରାମରେ କେକେ ସିଂହଙ୍କ ଏକ ଫଟୋ ଶେଆର କରିଛନ୍ତି । ଏହି ଫଟୋରେ ସେ ହସ୍ପିଟାଲର ବେଡ ଉପରେ ବସିଛନ୍ତି। ତାଙ୍କ ଦୁଇ ପାର୍ଶ୍ୱରେ ସୁଶାନ୍ତଙ୍କ ଭଉଣୀ ପ୍ରିୟଙ୍କା ଏବଂ ମିତୁ ସିଂହ ଛିଡା ହୋଇଛନ୍ତି ।
View this post on Instagram
ସୂଚନାଯୋଗ୍ୟ ଯେ, ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ ଏହାରି ଭିତରେ ୬ ମାସରୁ ଅଧିକ ସମୟ ବିତିଗଲାଣି । ସେ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇଛି ସେ ନେଇ ସସପେନ୍ସ ଜାରି ରହିଛି । ୩ଟି ତଦନ୍ତକାରୀ ସଂସ୍ଥା ଏନସିବି, ଇଡି ଏବଂ ସିବିଆଇ ଏହି ମାମଲାରେ ତଦନ୍ତ ଜାରି ରଖିଛି । ସୁଶାନ୍ତଙ୍କ ପରିବାର ଲୋକେ ସୁଶାନ୍ତଙ୍କୁ ଆତ୍ମହତ୍ୟା କରିବାକୁ ବାଧ୍ୟ କରାଯାଇଥିବା ଅଭିଯୋଗ କରିଛନ୍ତି । କେକେ ସିଂହ ରିଆ ଚକ୍ରବର୍ତ୍ତୀ, ତାଙ୍କ ପରିବାର ଓ ସୁଶାନ୍ତଙ୍କ କିଛି କର୍ମଚାରୀ ତାଙ୍କୁ ଧୋକା ଦେଇଥିବା ମଧ୍ୟ ଅଭିଯୋଗ ଉଠାଇଛନ୍ତି ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
