ପୁଣି ଫେରୁଛନ୍ତି କମେଡି କିଙ୍ଗ କପିଲ, ଆସିଲା ଫାଷ୍ଟଲୁକ୍‌

ମୁମ୍ବାଇ: ପୁଣି ପରଦାକୁ ଫେରୁଛନ୍ତି କମେଡି କିଙ୍ଗ କପିଲ। ପୁଣି ବସିବ ହସର ମେହଫିଲ। ନିଜ କମେଡି ଜୋକ୍ସରେ ଦର୍ଶକଙ୍କୁ ହସାଇ ହସାଇ କରିବେ ବେଦମ୍। ଲାଗିବ କମେଡିର ତଡକା। ନିଜେ ହସିବେ ଓ ଅନ୍ୟକୁ ମଧ୍ୟ ହସାଇବେ। ଖୁବ୍‌ଶୀଘ୍ର ଟିଭି ପରଦାକୁ ଫେରୁଛି ‘ଦ କପିଲ ଶର୍ମା ଶୋ’।

ଖୁବଶୀଘ୍ର ନୂଆ ସିଜିନ ସହ କପିଲ ଶର୍ମା ଟିଭି ପରଦାକୁ ଫେରୁଛନ୍ତି। ଏନେଇ ସେ ଘୋଷଣା ମଧ୍ୟ କରିଛନ୍ତି। ସେ ନିଜ ଟ୍ୱିଟର ଓ ଇନ୍‌ଷ୍ଟାଗ୍ରାମ ଜରିଆରେ ଶୋ’ର ଷ୍ଟାରକାଷ୍ଟଙ୍କ ସହ କିଛି ଫଟୋ ସେଆର କରିଛନ୍ତି। ଏହି ଫଟୋକୁ ସେଆର କରି କପିଲ ଲେଖିଛନ୍ତି ‘ପୁରୁଣା ମୁହଁ ସହ ନୂଆ ଆରମ୍ଭ କରିବାକୁ ଯାଉଛି।’

ଫଟୋରେ କପିଲ ଶର୍ମାଙ୍କ ସହ କ୍ରିଷ୍ଣା, କିକୁ ସାରଦା, ଭାରତୀ ସିଂହ, ଚନ୍ଦନ ପ୍ରଭାକର, ସୁଦେଶ ଲାହରୀ ପ୍ରମୁଖ ନଜର ଆସିଛନ୍ତି।

ତେବେ ଏହି କମେଡି ଶୋ’ କେବେ ଠାରୁ ଟିଭିରେ ଆରମ୍ଭ ହେବ ସେ ନେଇ କିଛି ସୂଚନା ମିଳିନାହିଁ। କେବଳ କପିଲ ଫଟୋକୁ ସେଆର କରି ‘ଖୁବ୍‌ଶୀଘ୍ର ଆସୁଅଛୁ’ ବୋଲି ଲେଖିଛନ୍ତି । କପିଲଙ୍କ ଏହି ଘୋଷଣା ପରେ ତାଙ୍କ ପ୍ରଶଂସକଙ୍କ ମଧ୍ୟରେ ଖୁସିର ଲହରି ଖେଳିଯାଇଛି।

ସୂଚନା ମୁତାବକ କପିଳ ଶର୍ମା ନିଜ ଦ୍ୱିତୀୟ ସନ୍ତାନର ଜନ୍ମ ପରେ ଟିଭି ପରଦାରୁ ବ୍ରେକ୍ ନେଇଥିଲେ। ନିଜ ପରିବାର ସହ ସେ କ୍ୱାଲିଟି ଟାଇମ୍ ବିତାଉଥିଲେ।

https://twitter.com/KapilSharmaK9/status/1416728196427436034?s=20