ନୂଆଦିଲ୍ଲୀ: କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ଟିଭି ଜଗତରେ ‘କ୍ୟୁଁକି ସାସ୍ ଭି କଭି ବୋହୂ ଥୀ’ ସିରିଏଲ୍ ଜରିଆରେ କୀର୍ତ୍ତିମାନ ସ୍ଥାପନ କରିଥିଲେ। ସିରିଏଲରେ ‘ତୁଳସୀ’ ଭୂମିକା ତୁଲାଇବା ପରେ ସେ ଘରେ ଘରେ ବେଶ୍ ପରିଚିତ ହୋଇଥିଲେ। ଶୋ’ ପରେ ରାଜନେତା ହେବା ଅଭିଯାନରେ ସ୍ମୃତି ଇରାନୀ ନିଜର ଓଜନ ବହୁତ ବଢ଼ାଇ ଥିଲେ । ହେଲେ ଏବେ ତାଙ୍କର ଏକ ଫଟୋ ସୋଶାଲ ମିଡିଆରେ ଭାଇରାଲ୍ ହୋଇଛି, ଯେଉଁଥିରେ ଦେଖିବାକୁ ମିଳିଛି ଯେ ସେ ନିଜର ଫିଟନେସ୍ ଉପରେ ବିଶେଷ ଧ୍ୟାନ ଦେଉଛନ୍ତି ଏବଂ ଓ୍ବାର୍କ ଆଉଟ୍ ମଧ୍ୟ କରୁଛନ୍ତି ।
ନିକଟରେ ହୋଷ୍ଟ ମନିଷ ପଲ୍ ଇନଷ୍ଟାଗ୍ରାମରେ କେନ୍ଦ୍ର ମନ୍ତ୍ରୀଙ୍କ ସହ ନିଜର ଏକ ଫଟୋ ଶେଆର୍ କରିଛନ୍ତି । ଏହି ଫଟୋରେ ସ୍ମୃତି ଇରାନୀଙ୍କ ଲୁକରେ ଅନେକ ପରିବର୍ତ୍ତନ ହୋଇଥିବା ଦେଖିବାକୁ ମିଳିଛି। କୁହାଯାଉଛି ଯେ ସ୍ମୃତି ଇରାନୀ ଏବେ ଫ୍ୟାଟ୍ ଟୁ ଫିଟ୍ ଅଭିଯାନ ଆପଣାଇଛନ୍ତି। ମନିଷ ପଲଙ୍କ ପକ୍ଷରୁ ଶେଆର୍ କରାଯାଇଥିବା ଫଟୋରେ ସ୍ମୃତି ଇରାନୀଙ୍କ ଓଜନ ମଧ୍ୟ କମିଥିବା ଦେଖିବାକୁ ମିଳିଛି।
View this post on Instagram
ଏହି ଫଟୋକୁ ଶେଆର୍ କରି ମନିଷ ପଲ୍ ଲେଖିଛନ୍ତି, ଗୋଟିଏ କପ୍ କାଢ଼ା ପିଆଇବା ପାଇଁ ସ୍ମୃତି ଇରାନୀ ମ୍ୟାଡମଙ୍କୁ ଧନ୍ୟବାଦ। କ’ଣ ସମୟ ଆସି ଯାଇଛି ଯେ ସମସ୍ତେ ଚା’ ବଦଳରେ କାଢ଼ା ପିଇବାକୁ ଲାଗିଛନ୍ତି, କିନ୍ତୁ ମୋତେ ନିମନ୍ତ୍ରଣ କରିଥିବାକୁ ଧନ୍ୟବାଦ। କେବଳ ଫଟୋ ପାଇଁ ମାସ୍କ ହଟାଇଥିଲେ।
ସ୍ମୃତି ଇରାନୀ ସୋଶାଲ ମିଡିଆରେ ନିଜର ଥ୍ରୋ’ ବ୍ୟାକ୍ ଫଟୋ ଶେଆର୍ କରନ୍ତି। ସେ ୨୪ ବର୍ଷ ବୟସରେ ଟିଭି ଦୁନିଆରେ ପାଦ ରଖିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
