ମୁମ୍ବାଇ: ରାସ୍ତା କଡରେ ଜୁସ ବିକ୍ରି କରୁଛନ୍ତି ଟେଲିଭିଜନ ଦୁନିଆର ପ୍ରସିଦ୍ଧ କମେଡ଼ିଆନ। କପିଲ ଶର୍ମା ଶୋ'ରୁ ଲୋକପ୍ରିୟତା ହାସଲ କରିଥିବା ଗୁଥି ଓରଫ ସୁନିଲ ଗ୍ରୋଭରଙ୍କ ଅବସ୍ଥା ଦୟନୀୟ ହୋଇପଡିଛି। ଏପରିକି ସେ ଏବେ ରାସ୍ତା କଡରେ ଏକ ଠେଲାରେ ଜୁସ ବିକ୍ରି କରୁଥିବା ଦେଖିବାକୁ ମିଳିଛି। ତେବେ ପ୍ରକୃତରେ ନୁହେଁ, ଲୋକଙ୍କୁ ହସାଇବା ପାଇଁ ସେ ନିଜ ଢ଼ଙ୍ଗରେ ସୋଶାଲ ମିଡିଆରେ ଏଭଳି କିଛି ଭିଡିଓ ସେଆର କରିଛନ୍ତି। ଯାହା ଭାଇରାଲ ହେବାରେ ଲାଗିଛି।
ଏହି ଭିଡିଓକୁ ଦେଖିଲେ ଲାଗୁଛି, ଯେପରି ସୁନିଲ ଜୁସ ତିଆରି କରିବାରେ ପୁରାପୁରି ମାହିର ଅଛନ୍ତି। ସେ ଦୋକାନୀଙ୍କୁ ନିଜ ପାର୍ଶ୍ୱରେ ଠିଆ କରି କମଳା ଜୁସ୍ ତିଆରି କରିବାରେ ଲାଗି ପଡିଛନ୍ତି। କେବଳ ସେତିକି ନୁହେଁ ଦୋକାନୀ ଜଣଙ୍କୁ କିଭଳି ଜୁସ୍ ତିଆରି କରାଯାଏ ତାହା ମଧ୍ୟ ଶିଖାଉଛନ୍ତି। ତାଙ୍କର ଏହି ଭିଡିଓକୁ ଯିଏ ଦେଖିବ ସିଏ ହସି ହସି ଗଡିଯିବ। ଏହି ଭିଡିଓକୁ ସୁନିଲ ନିଜେ ତଙ୍କ ଇନଷ୍ଟାଗ୍ରାମରେ ସେଆର କରିଛନ୍ତି ଏବଂ କ୍ୟାପସନରେ ଲେଖିଛନ୍ତି, ''ନିଜ ପ୍ରେମିକାଙ୍କୁ ଏଭଳି ଜୁସ ତିଆରି କରି ପିଇବାକୁ ଦିଅନ୍ତୁ।'' ସୁନିଲଙ୍କ ଏହି ଫନି ଭିଡିଓକୁ ୩ଲକ୍ଷରୁ ଅଧିକ ଲୋକ ଦେଖି ସାରିଲେଣି।
କିଛି ଦିନ ପୂର୍ବରୁ ସୁନିଲ ରାସ୍ତା କଡରେ 'ଛୋଲେ କୁଲଚେ' ବିକ୍ରି କରୁଥିବା ଭିଡିଓ ସେଆର କରିଥିଲେ। ଏହି ଭିଡିଓକୁ ସେଆର କରି ସେ ଭାଲେଣ୍ଟାଇନ ଡେ' ନିଜ ପ୍ରେମିକା ତଥା ପ୍ରେମିକଙ୍କୁ ଏଭଳି 'ଛୋଲେ କୁଲଚେ' ତିଆରି କରି ଖୁଆନ୍ତୁ ବୋଲି କ୍ୟାପସନରେ ଲେଖିଥିଲେ।' ଏହି ଭିଡିଓଟି ମଧ୍ୟ ସୋଶାଲ ମିଡିଆରେ ଭାଇରାଲ ହୋଇଥିଲା। ଏହାକୁ ଇନଷ୍ଟାଗ୍ରାମରେ ୨୯ଲକ୍ଷରୁ ଅଧିକ ଲୋକେ ଦେଖିଥିଲେ।
ସୂଚନାଯୋଗ୍ୟ ଯେ କମେଡିଆନ ସୁନିଲ ଗ୍ରୋଭରଙ୍କୁ ନିକଟରେ ସୈଫ ଅଲ୍ଲି ଖାନଙ୍କ ୱେବସିରିଜ 'ତାଣ୍ଡବ'ରେ ଦେଖିବାକୁ ମିଳିଥିଲା। ଏଥିରେ ସେ ଗୁରପାଲ ଚୌହନ ଚରିତ୍ରରେ ନଜର ଆସିଥିଲେ। ସେହିପରି ନିକଟରେ କପିଳ ଶର୍ମା ଶୋ'କୁ ପୁଣି ଥରେ ସୁନିଲ ଫେରିବା ନେଇ ଚର୍ଚ୍ଚା ହେଉଥିଲା। ଶୋ'ର ମେକର୍ସ ପୁଣି ଥରେ ସୁନିଲ ଏବଂ କପିଲଙ୍କୁ ଏକାଠି କରିବାକୁ ଚେଷ୍ଟା ଚଳାଇଥିବା ଶୁଣିବାକୁ ମିଳିଥିଲା କିନ୍ତୁ ପରେ ସୁନିଲ ଏହି ଖବରକୁ ଖଣ୍ତନ କରିଥିଲେ।
View this post on Instagram
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
