ମୁମ୍ବାଇ: ଗୁଡ୍ ନ୍ୟଜ୍ ଦେଲେ ଲୋକପ୍ରିୟ ଟିଭି ସିରିଏଲ୍ 'ୟେ ରିସ୍ତା କ୍ୟା କେହଲାତା ହୈ' ଫେମ୍ ଅଭିନେତ୍ରୀ ମୋହେନା କୁମାରୀ ସିଂହ। ଖୁବ ଶୀଘ୍ର ତାଙ୍କ ରାଜ ପରିବାରକୁ ଆସିବ କୁନି ଅତିଥି। ମା' ହେବେ ମୋହେନା। ଏନେଇ ସେ ନିଜେ ତାଙ୍କ ଇନଷ୍ଟାଗ୍ରାମରେ ଫଟୋ ପୋଷ୍ଟ କରି ସୂଚନା ଦେଇଛନ୍ତି।
ସେ ନିଜ ବେବି ବମ୍ପ ସହ ଫଟୋ ଶେଆର କରି ଲେଖିଛନ୍ତି, 'ଏକ ନୂଆ ପ୍ରାରମ୍ଭର ଆରମ୍ଭ। ସମସ୍ତଙ୍କ ସହ ଖୁସି ଖବର ଶେଆର କରୁଛି।' ଏହି ଫଟୋରେ ସେ ତାଙ୍କ ସ୍ୱାମୀ ସୁୟଶଙ୍କ ସହ ନଜର ଆସିଛନ୍ତି। ଅନ୍ୟ କିଛି ଫଟୋରେ ମୋହେନା ନିଜ ପରିବାର ସଦସ୍ୟଙ୍କ ସହ ମଧ୍ୟ ନଜର ଆସିଛନ୍ତି।
ଗତବର୍ଷ ମୋହେନା କୁମାରୀ ସିଂହ କରୋନାରେ ଆକ୍ରାନ୍ତ ହୋଇଥିଲେ। ସୋଶାଲ ମିଡିଆ ଜରିଆରେ ସେ ଏନେଇ ସୂଚନା ଦେଇଥିଲେ। ବିବାହ ପର ଠାରୁ ମୋହେନା ଅଭିନୟ ଜଗତ ଠାରୁ ଦୂରେଇ ରହିଛନ୍ତି। ସେ ନିଜର ଫ୍ୟାମିଲି ଲାଇଫ ଏନ୍ଜୟ କରୁଛନ୍ତି।
୨୦୧୯ରେ ବମ୍ବେ ଟାଇମ୍ସକୁ ଦେଇଥିବା ଏକ ସାକ୍ଷାତକାରରେ ମୋହେନା ଖୁଲାସା କରିଥିଲେ ଯେ, ସେ ବିବାହ ପରେ ଅଭିନୟ ଛାଡିବାକୁ ଚାହୁଁଛନ୍ତି। ବିବାହ ପରଠାରୁ ସେ ମୁମ୍ବାଇ ଏବଂ ଅଭିନୟକୁ ଅଲବିଦା କହିଛନ୍ତି। ତାଙ୍କର ଏହି ନିଷ୍ପତ୍ତି ଯୋଗୁଁ ଇଣ୍ଡଷ୍ଟ୍ରି ଏବଂ ତାଙ୍କ ଫ୍ୟାନ୍ମାନେ ଚକିତ ହୋଇ ଯାଇଥିଲେ।
ସୂଚନା ମୁତାବକ, ମୋହେନା କୁମାରୀ ସିଂହ 'ୟେ ରିସ୍ତା କ୍ୟା କେହେଲାତା ହୈ' ସମେତ 'ପ୍ୟାର୍ ତୁନେ କ୍ୟା କିଆ' ଏବଂ 'ଦିଲ ଦୋସ୍ତି ଡ୍ୟାନ୍ସ' ଭଳି ଶୋ'ରେ ମଧ୍ୟରେ ନଜର ଆସିସାରିଛନ୍ତି। ସେ ରିଆଲିଟି ଶୋ' ଡ୍ୟାନ୍ସ ଇଣ୍ଡିଆ ଡ୍ୟାନ୍ସ ସିଜନ-୩ରେ ଭାଗ ନେଇଥିଲେ। କେବଳ ସେତିକି ନୁହେଁ ରିଆଲିଟି ଶୋ' 'ଝଲକ୍ ଦିଖଲା ଜା'ରେ ମଧ୍ୟ ଭାଗ ନେଇଥିଲେ ମୋହେନା।
View this post on Instagram