ମୁମ୍ବାଇ: ଫିଲ୍ମରେ ନୋରା ଫତେହୀଙ୍କ ଡ୍ୟାନ୍ସ ଦେଖିବାକୁ ସମସ୍ତେ ଅପେକ୍ଷା କରିଥା’ନ୍ତି। ତାଙ୍କର ଜବରଦସ୍ତ ମୁଭ୍ସ ସମସ୍ତଙ୍କୁ ଭଲ ଲାଗେ। ସୋଶାଲ୍ ମିଡିଆରେ ବି ସେ ବରାବର ତାଙ୍କ ଭିଡିଓ ପୋଷ୍ଟ କରନ୍ତି ଓ ଲୋକେ ବି ସେଗୁଡ଼ିକୁ ଦେଖନ୍ତି। ତେବେ ୫ ଦିନ ତଳେ ନୋରା ତାଙ୍କର ଭିଡିଓ ପୋଷ୍ଟ୍ କରିଥିଲେ ଓ ଏହା ତାଙ୍କ ଜୀବନ ବଦଳାଇ ଦେଇଥିଲା ବୋଲି ଲେଖିଥିଲେ।
ଏହି ଭିଡିଓଟି ୨୦୧୮ ମସିହାର। ସେହି ବର୍ଷ ବେଙ୍ଗାଲୁରୁରେ ଅନୁଷ୍ଠିତ ହୋଇଥିବା ମିସ୍ ଇଣ୍ଡିଆ ଆୱାର୍ଡରେ ସେ ନୃତ୍ୟ ପରିବେଷଣ କରିଥିଲେ। ଏହି ଭିଡିଓ ସୋଶାଲ୍ ମିଡିଆରେ ଖୁବ୍ ଭାଇରାଲ ହୋଇଥିଲା ଓ ଲୋକେ ତାଙ୍କ ନୃତ୍ୟକୁ ବେଶ୍ ପସନ୍ଦ କରିଥିଲେ। ଏହା ପରେ ତାଙ୍କୁ ଫିଲ୍ମ ’ସତ୍ୟମେବ ଜୟତେ’ର ଆଇଟମ୍ ସଙ୍ଗ୍ ‘ଦିଲ୍ବର୍’ରେ ନୃତ୍ୟ କରିବାକୁ ସୁଯୋଗ ମିଳିଥିଲା, ଯାହା ଖୁବ୍ ଲୋକପ୍ରିୟ। ଏହି ଗୀତ ରିଲିଜ୍ ହେବା ମାତ୍ରେ ୨୪ ଘଣ୍ଟା ମଧ୍ୟରେ ୨ କୋଟି ଭ୍ୟୁ ମିଳିଥିଲା। ଏହା ପରେ ସେ ଆଉ କିଛି ଫିଲ୍ମରେ ଆଇଟମ୍ ସଙ୍ଗରେ ନୃତ୍ୟ କରିଛନ୍ତି।
ଲକ୍ଡାଉନ୍ ବେଳେ ବି ସେ ତାଙ୍କର ୱାର୍କଆଉଟ୍ ଓ ଡ୍ୟାନ୍ସର ଭିଡିଓ ସୋଶାଲ୍ ମିଡିଆରେ ପୋଷ୍ଟ କରିଥିଲେ।