ମୁମ୍ବାଇ: ବଲିଉଡ୍ ଅଭିନେତା ଟାଇଗର୍ ଶ୍ରଫ୍ ଖୁବ୍ କମ୍ଦିନ ଭିତରେ ଇଣ୍ଡଷ୍ଟ୍ରିର ଆକ୍ସନ୍ ସୁପରଷ୍ଟାର ହୋଇଗଲେଣି। ୬ ବର୍ଷ ଭିତରେ ସେ ବଲିଉଡ୍ରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିସାରିଲେଣି। ତାଙ୍କ ଫିଟ୍ନେସ୍, ଡ୍ୟାନ୍ସ ଷ୍ଟାଇଲ୍, ଓ ଜବରଦସ୍ତ ଆକ୍ସନ୍ ପାଇଁ ଫ୍ୟାନ୍ ଫଲୋଇଂ ମଧ୍ୟ ବେଶ୍ ଅଧିକ। ଆଜି ହେଉଛି ତାଙ୍କର ୩୦ ତମ ଜନ୍ମଦିନ। ତେବେ ଆଜି ଆମେ ତାଙ୍କ ଲଭ୍ ଲାଇଫ୍ ବିଷୟରେ ଜାଣିବା।
https://www.instagram.com/p/B8xsRCGnP0q/?utm_source=ig_web_copy_link
ଟାଇଗର୍ ସୋଶାଲ୍ ମିଡିଆରେ ସବୁବେଳେ ବେଶ୍ ଆକ୍ଟିଭ୍ ରହନ୍ତି। ସେ ସବୁବେଳେ ନିଜ ଫିଲ୍ମି ପ୍ରଫେସନ୍କୁ ନେଇ ପୋଷ୍ଟ କରନ୍ତି। ଅନେକ ସମୟରେ ସେ ନିଜ ଡ୍ୟାନ୍ସ ଓ ମାର୍ସଲ ଆର୍ଟର ଭିଡିଓ ସବୁ ଶେଆର କରନ୍ତି। ହେଲେ ସେ କେବେ ବି ନିଜ ବ୍ୟକ୍ତିଗତ ଜୀବନ କି ଲଭ୍ ଲାଇଫ୍କୁ ନେଇ କିଛି ବି ସୂଚନା ଦିଅନ୍ତି ନାହିଁ। ଏ ନେଇ ସେ ସବୁବେଳେ ଚୁପ୍ ହିଁ ରହିଥାନ୍ତି। ହେଲେ ନିକଟରେ ଟାଇଗର୍ ପ୍ରଥମ ଥର ପାଇଁ ନିଜ ଲଭ୍ଲାଇଫ୍ ବିଷୟରେ କଥା ହୋଇଛନ୍ତି। ସେ କହିଛନ୍ତି ଯେ ପିଲାବେଳୁ ସେ ଜଣଙ୍କୁ ମନେ ମନେ ଭଲପାଉଛନ୍ତି ଓ ଆଜି ସେ ତାଙ୍କ ଫିଲ୍ମରେ ଅଭିନେତ୍ରୀ ଭାବେ ରୋଲ୍ ମଧ୍ୟ କରୁଛନ୍ତି।
ସାରା ବି-ଟାଉନ୍ରେ ଟାଇଗର୍ ଓ ଅଭିନେତ୍ରୀ ଦିଶା ପଟାନୀଙ୍କର ଲଭ୍ ଅଫେୟାର୍ର ଖବର ଉଡ଼ିବୁଲୁଛି। କିନ୍ତୁ ଟାଇଗର୍ କି ଦିଶା କେବେ ବି ଏ ନେଇ ଗଣମାଧ୍ୟମ ଆଗରେ ମୁହଁ ଖୋଲି ନାହାନ୍ତି। ଦୁହିଁଙ୍କୁ ବହୁତ ସ୍ଥାନରେ ଏକାଠି ଦେଖିବାକୁ ମିଳିଛି। ଦିଶା ଓ ଟାଇଗରଙ୍କର ଏକାଠି ବୁଲିବାର କିଛି ଫଟୋ ଓ ଭିଡିଓ ମଧ୍ୟ ସୋଶାଲ୍ ମିଡିଆରେ ଭାଇରାଲ୍ ହେଉଛି। ଏମାନେ ପ୍ରାୟ ପାର୍ଟି, ଆୱାର୍ଡ଼ ଶୋ’ ଓ ବାହାଘର ଫଙ୍କସନ୍ରେ ଏକାଠି ପହଞ୍ଚିଥା'ନ୍ତି।