ଥଲପତି ବିଜୟଙ୍କ ପାଇଁ ପାଗଳ ଫ୍ୟାନ୍‌, ଲକ୍ଷେ ଟଙ୍କାରେ କିଣିଲେ ‘ଲିଓ’ ଟିକେଟ

ଗୋଟିଏ ସିନେମା ଟିକେଟ ଦାମ୍ ଲକ୍ଷେ ୧୦ ହଜାର ଏକ ଟଙ୍କା । ଅବିଶ୍ୱାସ ଲାଗୁଥିଲେ ବି ଏହା ସତ । ଆଜି ରିଲିଜ୍ ହୋଇଛି ସାଉଥ୍ ଷ୍ଟାର୍ ଥଲପତି ବିଜୟଙ୍କ ଫିଲ୍ମ ଲିଓ । ଆଉ ଏହି ଫିଲ୍ମ ପାଇଁ ଫ୍ୟାନଙ୍କ ମଧ୍ୟରେ ବହୁତ କ୍ରେଜ୍ ଦେଖାଦେଇଛି ।

ସମଗ୍ର ଦେଶର ବିଭିନ୍ନ ହଲ୍‌ରେ ଏହି ଫିଲ୍ମ ରିଲିଜ ହୋଇଥିବା ବେଳେ ଦେଖାଦେଇଛି ଫ୍ୟାନ୍ସଙ୍କ ଅସମ୍ଭବ ଭିଡ଼ । ପରସ୍ପରକୁ ମିଠା ଖୁଆଇ ଓ ବାଣ ଫୁଟାଇ ସେଲିବ୍ରେସନ୍ କରୁଛନ୍ତି ଫ୍ୟାନ୍ସ ।

ଏପରିକି ଫିଲ୍ମ ଦେଖିବା ଲାଗି ଅଧିକ ମୂଲ୍ୟ ଦେଇ ଟିକେଟ କିଣୁଛନ୍ତି । ତାମିଲନାଡୁ ଚେନ୍ନାଇରେ ବିଜୟଙ୍କ ଫିଲ୍ମର ପ୍ରଥମ ସୋ ଦେଖିବା ଲାଗି ଜଣେ ପ୍ରଶଂସକ ଏକ ଲକ୍ଷ ୧୦ ହଜାର ଏକ ଟଙ୍କା ଦେଇ ଟିକେଟ କିଣିଥିବା ଜଣାଯାଇଛି।

ଚଳିତ ବର୍ଷର ବହୁ ପ୍ରତିକ୍ଷିତ ଫିଲ୍ମ ମଧ୍ୟରୁ ‘ଲିଓ’ ଅନ୍ୟତମ । ଆଜି ଏହି ଫିଲ୍ମଟି ବଡ଼ ପରଦାରେ ରିଲିଜ ହୋଇଛି। ‘ଲିଓ’ ସେଭେନ୍‌ ସ୍କ୍ରିନ୍‌ ଷ୍ଟୁଡିଓର ଏସ୍‌ ଲଳିତ କୁମାର ଓ ଜଗଦୀଶ ପଲାନିସ୍ୱାମୀଙ୍କ ଦ୍ୱାରା ନିର୍ମିତ ଫିଲ୍ମ । ଲୋକେଶ କାନଗରାଜ ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ‘ମାଷ୍ଟର’ ପରେ ‘ଲିଓ’ ବିଜୟଙ୍କ ସହ ଲୋକେଶଙ୍କ ଏହା ଦ୍ୱିତୀୟ ଫିଲ୍ମ । ଏହି ଚଳଚ୍ଚିତ୍ରର ସଙ୍ଗୀତ ନିର୍ଦ୍ଦେଶକ ହେଉଛନ୍ତି ଅନିରୁଦ୍ଧ ରବିଚାନ୍ଦ ।

ଥଲପତି ବିଜୟଙ୍କ ସହ ଏହି ଫିଲ୍ମରେ ତ୍ରିଶା କୃଷ୍ଣନ, ସଞ୍ଜୟ ଦତ୍ତଳ ଅର୍ଜୁନ ସରଜା, ଗୌତମ ଭାସୁଦେବ ମେନନ୍‌, ପ୍ରମୁଖ ନଜର ଆସିବେ। ୧୫ ବର୍ଷ ପରେ ବଡ଼ ପରଦାରେ ବିଜୟ ଓ ତ୍ରିଶାଙ୍କୁ ଫ୍ୟାନ୍ସ ଏକାଠି ଦେଖିବାକୁ ପାଇବେ।