‘ଟ୍ୟୁବ୍‌ଲାଇଟ୍’ ପାଇଁ ମନାଲିରେ ସୁଟିଂ ଶେଷ କଲେ ସଲମାନ

ମୁମ୍ବାଇ: ଆଗାମୀ ଫିଲ୍ମ ‘ଟ୍ୟୁବ୍‌ଲାଇଟ୍’ ପାଇଁ ହିମାଚଳ ପ୍ରଦେଶର ମନାଲିରେ ସୁଟିଂ ଶେଷ କରିଛନ୍ତି ଦବଙ୍ଗ ଷ୍ଟାର ସଲମାନ୍। ଫିଲ୍ମର ନିର୍ଦ୍ଦେଶକ କବୀର ଖାନ ଟ୍ୱିଟ୍ କରି ଏ ସୂଚନା ଦେଇଛନ୍ତି।

ସେ ଲେଖିଛନ୍ତି,“ସଲମାନଙ୍କ ମନାଲି ସିଡ୍ୟୁଲ୍ ଶେଷ ହୋଇଯାଇଛି। ଆମେ ଆଉ ତିନି ଦିନ ସୁଟିଂ କରିବୁ।”

ହିମାଚଳ ପ୍ରଦେଶର ବିଭିନ୍ନ ସ୍ଥାନରେ ସେ ଗତ ଦୁଇ ମାସ ଧରି ଏହି ଫିଲ୍ମର ସୁଟିଂ କରିଥିଲେ।

କବୀର ଖାନ୍ ଓ ସଲମାନଙ୍କର ଏହା ହେଉଛି ତୃତୀୟ ଫିଲ୍ମ। ଏହା ପୂର୍ବରୁ କବୀରଙ୍କ ନିର୍ଦ୍ଦେଶିତ ‘ବଜରଙ୍ଗି ଭାଇଜାନ୍’ ଓ ‘ଏକ ଥା ଟାଇଗର୍’ରେ ଅଭିଯନୟ କରିଥିଲେ ସଲମାନ।

‘ଟ୍ୟୁବ୍‌ଲାଇଟ୍‌’ରେ ଚୀନର ଅଭିନେତ୍ରୀ ଝୁ ଝୁ ଅଭିନୟ କରୁଛନ୍ତି।

ଆସନ୍ତା ବର୍ଷ ଇଦ୍‌ରେ ଏହି ଫିଲ୍ମ ରିଲିଜ୍ ହେବ।