ମୁମ୍ବାଇ: ‘ଷ୍ଟ୍ରିଟ୍ ଡ୍ୟାନ୍ସର 3’ ଫିଲ୍ମ ଦେଖିବା ଅପେକ୍ଷାରେ ଥିବା ବରୁଣ ଧୱନଙ୍କ ଫ୍ୟାନ୍ଙ୍କୁ ଏବେ ଆଉ କିଛି ଦିନ ଅପେକ୍ଷା କରିବାକୁ ପଡ଼ିବ। କାରଣ ଏହାର ରିଲିଜ୍ ତାରିଖ ଏବେ ଘୁଞ୍ଚାଇ ଦିଆଯାଇଛି। ଏହି ଫିଲ୍ମରେ ଅଭିନେତା ବରୁଣ ଧୱନଙ୍କ ସହ ଶ୍ରଦ୍ଧା କପୁର ମଧ୍ୟ ନଜର ଆସିବେ। ଏନେଇ ଖୋଦ ବରୁଣ ମିଡିଆକୁ ସୂଚନା ଦେଇଛନ୍ତି। ପ୍ରଥମେ ଏହି ଫିଲ୍ମର ରିଲିଜ୍ ତାରିଖ ନଭେମ୍ବର ୮ରେ ଥିଲା। କିନ୍ତୁ ଏବେ ତାହା ୨୪ ଜାନୁଆରୀ ୨୦୨୦କୁ ଘୁଞ୍ଚାଇ ଦିଆଯାଇଛି।
ଏହାର କାରଣ ଅନ୍ୟ କୌଣସି ଫିଲ୍ମ ନୁହେଁ ବରଂ ଏହା ବରୁଣ ଏବଂ ତାଙ୍କ ଗର୍ଲଫ୍ରେଣ୍ଡ ନତାଶାଙ୍କ ବାହାଘର ପାଇଁ ଏହି ଫିଲ୍ମର ରିଲିଜ ତାରିଖ ଘୁଞ୍ଚାଯାଇଛି। ଏହି କଥାକୁ ବରୁଣଙ୍କ ବାପା ଡେବିଡ୍ ଧାୱନ୍ ମାନିବାକୁ ନାରାଜ୍ । ମାତ୍ର ଏକ ରିପୋର୍ଟ ଅନୁସାରେ ବରୁଣ ଏବଂ ତାଙ୍କ ଗର୍ଲଫ୍ରେଣ୍ଡ ନତାଶା ଦଲାଲ୍ ଚଳିତ ବର୍ଷ ଡିସେମ୍ବରରେ ବାହା ହେବେ ବୋଲି ଚର୍ଚ୍ଚା ହେଉଛି।
ହିନ୍ଦୁ ରିତୀନୀତିରେ ଏହି ବାହାଘର କରାଇବା ପାଇଁ ପ୍ରସ୍ତୁତି ଆରମ୍ଭ ହୋଇ ଗଲାଣି। ବରୁଣ ଏବଂ ନତାଶାଙ୍କ ବାହାଘର ପାଇଁ ନିକ୍ ଏବଂ ପ୍ରିୟଙ୍କାଙ୍କ ବାହାଘର କରିଥିବା ପଣ୍ଡିତଙ୍କୁ କୁହାଯାଇଛି। ଏହା ସହ ନିକ୍ ଏବଂ ପ୍ରିୟଙ୍କାଙ୍କ ବାହାଘର ଭଳି ବରୁଣ ଏବଂ ନତାଶାଙ୍କ ବାହାଘର ବହୁ ଆଡମ୍ବରରେ ହେବ ବୋଲି କୁହାଯାଉଛି। ଏହି ବାହାଘରର କାର୍ଯ୍ୟକ୍ରମ ତିନିଦିନ ପର୍ଯ୍ୟନ୍ତ ଚାଲିବ।
https://www.instagram.com/p/BtfbFJ5nH1y/?utm_source=ig_web_copy_link
https://www.instagram.com/p/Bthp490nCZB/?utm_source=ig_web_copy_link
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
