ମୁମ୍ବାଇ: ରାକେଶ ଶର୍ମାଙ୍କ ବାୟୋପିକ୍ ‘ସାରେ ଜାହାଁସେ ଅଚ୍ଛା’କୁ ନେଇ ଯେବେଠୁ ଘୋଷଣା କରାଯାଇଛି ସେବେଠୁ ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି। ପ୍ରଥମେ ଏହି ଫିଲ୍ମରେ ଆମୀର୍ ଖାନ୍ ଅଭିନୟ କରିବା ନେଇ ଚର୍ଚ୍ଚା ହେଉଥିବା ବେଳେ ସେ ଅନ୍ୟ କାମରେ ବ୍ୟସ୍ତ ଥିବା କାରଣରୁ ଏହି ଫିଲ୍ମରେ ଅଭିନୟ କରିବାକୁ ମନା କରିଦେଇଥିଲେ। ତା’ପରେ ସେ ଏହି ଫିଲ୍ମ ପାଇଁ ଶାହାରୁଖ୍ ଖାନ୍ଙ୍କୁ ନେବା ପାଇଁ ପରାମର୍ଶ ଦେଇଥିଲେ। ଶାହାରୁଖ୍ ବି ଏଥିରେ ରାଜି ହୋଇଗଲେ। କିନ୍ତୁ ଏବେ ଶୁଣିବାକୁ ମିଳୁଛି କି, ଶାହାରୁଖ୍ ବି ଏହି ଫିଲ୍ମରେ ଅଭିନୟ କରିବାକୁ ମନା କରିଦେଇଛନ୍ତି।
ଏଥିପାଇଁ ସାର୍ବଜନୀନ ଘୋଷଣା ହୋଇ ନ ଥିଲେ ବି ଶାହାରୁଖ୍ ଏବେ ଫରହାନ୍ ଅଖ୍ତର୍ଙ୍କ ଫିଲ୍ମ ‘ଡନ୍ ୩’ର ଶୁଟିଂ କରିବା ପାଇଁ ଏହି ଫିଲ୍ମ ପାଇଁ ମନା କରିଥିବା ସ୍ପଷ୍ଟ।
ତେବେ ଶାହାରୁଖ୍ଙ୍କ ପରେ ଆଉ ଜଣେ କଳାକାରଙ୍କ ନାଁ ସାମ୍ନାକୁ ଆସିଛି। ସେ ହେଉଛନ୍ତି ଭିକି କୌଶଲ। ଫିଲ୍ମ ନିର୍ମାତା ଭିକିଙ୍କୁ ଶାହାରୁଖ୍ଙ୍କ ଯାଗାରେ ନେବାକୁ ଯୋଜନା କରିଥିବା ସୂଚନା ମିଳିଛି। ନିର୍ମାତାଙ୍କ ମତରେ ଭିକି ଏହି ଚରିତ୍ରକୁ ସଠିକ୍ ଭାବେ ନ୍ୟାୟ ଦେଇ ପାରିବ। କିନ୍ତୁ ସାର୍ବଜନୀନ ଭାବେ ଏହାର ଘୋଷଣା ହୋଇନି।
ପୂର୍ବରୁ ଏହି ଫିଲ୍ମର ରାଇଟର ଅଞ୍ଜୁମ୍ ରାଜାୱଲୀଙ୍କୁ ଶାହାରୁଖ୍ଙ୍କ ଫିଲ୍ମ ଛାଡ଼ିବା ନେଇ ପଚରାଯାଇଥିବା ବେଳେ, ଅଞ୍ଜୁମ୍ ଏହି ଖବର ସବୁ ମୂଲ୍ୟହୀନ ଓ ଏସବୁ ଗୁଜବ ବୋଲି କହିଥିଲେ।
ତେବେ ଦେଖିବା ବାକି ରହିଲା ଏହି ଫିଲ୍ମରେ କାହାକୁ କାଷ୍ଟ୍ କରାଯିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
