ବାଜି ମାରି ନେଲେ ବିଶାଲ୍‌

ମୁମ୍ବାଇ: ଟେଲିଭିଜନ୍‌ ରିଆଲିଟି ଶୋ’ ‘ଡ୍ୟାନ୍ସ ଦିୱାନେ-୨’ର ଗ୍ରାଣ୍ଡ ଫିନାଲେ ଗତକାଲି ସରିଯାଇଛି। ଆଉ ଏହି ସିଜିନ୍‌ର ବିଜେତା ହୋଇଛନ୍ତି ଜାମଶେଦପୁରର ବିଶାଲ୍‌ ସୋନକର। ଶୋ’କୁ ଅତିଥି ହୋଇ ଆସିଥିବା ସଲମାନ୍ ଖାନ୍‌ ବିଶାଲଙ୍କୁ ଟ୍ରଫି ସହ ପୁରସ୍କାର ରାଶିର ଚେକ୍‌ ପ୍ରଦାନ କରିଥିଲେ।

ବିଶାଲଙ୍କୁ ପୁରସ୍କାର ରାଶି ବାବଦକୁ ୧୫ ଲକ୍ଷ ଟଙ୍କା ପ୍ରଦାନ କରାଯାଇଛି। ଶୋ’ରେ ବିଶାଲ୍‌ ଦ୍ୱିତୀୟ ଜେନେରେସନ୍‌ ଗ୍ରୁପ୍‌ର ଥିଲେ। ପୂରା ଶୋ’ରେ ବିଶାଲଙ୍କୁ ସବୁଠୁ ଅଧିକ ଭୋଟ୍‌ ମିଳିଥିଲା।

ଏହି ଶୋ’କୁ ଆସିବା ପୂର୍ବରୁ ବିଶାଲ୍‌ ଜାମଶେଦପୁରରେ ଘର ଘର ବୁଲି ଖାଦ୍ୟ ଡେଲିଭରି କରୁଥିଲେ। ସେ ଏହି ଶୋ’ରେ ତାଙ୍କ ମା’ଙ୍କ ସ୍ୱପ୍ନ ପୂରା କରିବାକୁ ଭାଗ ନେଇଥିଲେ। ବିଜେତା ଭାବେ ବିଶାଲଙ୍କ ନାଁ ଘୋଷଣା ହେବା ପରେ ତାଙ୍କ ମା’ ଭାବବିହ୍ୱଳ ହୋଇପଡ଼ିଥିଲେ।

ଗ୍ରାଣ୍ଡ ଫିନାଲେ ଏପିସୋଡ୍‌ରେ ପ୍ରତିଯୋଗୀମାନଙ୍କ ସହ ଶୋ’ର ଜଜ୍‌ମାନେ ଡ୍ୟାନ୍ସ କରିଥିଲେ। ତେବେ ଏହି ସନ୍ଧ୍ୟାର ସବୁଠୁ ଆକର୍ଷଣୀୟ ଥିଲା ଧକ୍ ଧକ୍‌ ଗର୍ଲ ମାଧୁରୀ ଦୀକ୍ଷିତଙ୍କ ଡ୍ୟାନ୍ସ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।