ଭୁବନେଶ୍ୱର (ଓଡ଼ିଶା ରିପୋର୍ଟର): ଏବେ ସାରା ଦେଶ ଲକ୍ଡାଉନ୍ରେ ରହିଛି। ସେଥିପାଇଁ ସମସ୍ତେ ଘରେ ଅଛନ୍ତି। ଏହି ସମୟରେ ବଲିଉଡ୍ ଓ ଓଲିଉଡ୍ କଳାକାରମାନେ ସୋଶାଲ୍ ମିଡିଆ ଯୋଗେ ଲୋକଙ୍କ ସହିତ ଯୋଡ଼ି ହେଉଛନ୍ତି। କରୋନା ନେଇ ଲୋକଙ୍କୁ ସଚେତନ କରିବାକୁ ଭିଡିଓ ପୋଷ୍ଟ କରିବା ସହିତ ନିଜେ କେମିତି ସମୟ କାଟୁଛନ୍ତି, ସେ ସଂପର୍କିତ ଫଟୋ ଓ ଭିଡିଓ ବି ଶେଆର କରୁଛନ୍ତି।
View this post on Instagram
Little Me- oh pls let me eat!!! Nd Stop this paparazzi for god’s sake.. 📸: @anuradha_samantaray
ଏଥିରେ ଓଲିଉଡ୍ର ଅନ୍ୟତମ ସଫଳ ଅଭିନେତ୍ରୀ ଏଲିନା ସାମନ୍ତରାୟ ବି ସାମିଲ ଅଛନ୍ତି। ସେ ଗାଁରେ ଥିବାର ଫଟୋ ସହିତ ଲୋକଙ୍କୁ ହାତ ଧୋଇବାର ଶୈଳୀ ସଂପର୍କରେ ସଚେତନ କରିବା ପାଇଁ ଭିଡିଓ ପୋଷ୍ଟ କରିଥିବା ବେଳେ ନିଜ ପିଲା ବେଳର ଦୁଇଟି ଫଟୋ ବି ଇନ୍ଷ୍ଟାଗ୍ରାମ୍ରେ ଶେଆର କରିଛନ୍ତି।
ଏହି ଦୁଇଟି ଫଟୋରେ ସେ ଏକ ଡେକ୍ଚିରୁ ଖାଇବା ଆଣି ଖାଉଛନ୍ତି। ଏଥିରୁ ଗୋଟିଏ ଫଟୋରେ ଖାଉଥିବା ବେଳେ କାନ୍ଦୁଥିବା ମଧ୍ୟ ଦେଖିବାକୁ ମିଳିଛି। ଏହି ଦୁଇଟି ଫଟୋ ପୋଷ୍ଟ କରି ସେ ଲେଖିଛନ୍ତି- ଦୟାକରି ମୋତେ ଖାଇବାକୁ ଦିଅ, ଫଟୋ ଉଠାଅନି।
ଏଲିନାଙ୍କ ଏହି ପୋଷ୍ଟ ଉପରେ ପ୍ରତିକ୍ରିୟା ଦେଇ ଅଭିନେତ୍ରୀ ଭୂମିକା ଦାସ ଲେଖିଛନ୍ତି ଯେ ଫଟୋରେ ଥିବା ପିଲାଟି ବହୁତ ସୁନ୍ଦର ଦେଖାଯାଉଛି। ସେହିପରି ଉପସ୍ଥାପିକା ଗୁନଗୁନ ଏବଂ ଅଭିନେତ୍ରୀ ଲିପ୍ସା ମିଶ୍ର ମଧ୍ୟ ଫଟୋଟି ସୁନ୍ଦର ହେଇଛି ବୋଲି କମେଣ୍ଟରେ ଲେଖିଛନ୍ତି।