ମୁମ୍ବାଇ: ଆର ପାରିରେ ବଲିଉଡ ଅଭିନେତା ତଥା ନିର୍ଦ୍ଦେଶକ ଇମତିଆଜ୍ ଖାନ। ସେ ଦିବଂଗତ ଅଭିନେତା ଜୟନ୍ତ ଏବଂ ଦିବଂଗତ ଅମଜାଦ୍ ଖାନଙ୍କ ଭାଇ ତଥା ଲୋକପ୍ରିୟ ଟେଲିଭିଜନ ଅଭିନେତ୍ରୀ କୃତ୍ତିକା ଦେଶାଇଙ୍କ ସ୍ୱାମୀ ଥିଲେ। ମିଳିଥିବା ସୂଚନା ଅନୁଯାୟୀ, ଗତ ୧୬ ତାରିଖରେ ମୁମ୍ବାଇଠାରେ ଇମତିଆଜଙ୍କ ମୃତ୍ୟୁ ଘଟିଛି।
ଏହି ଦୁଃଖଦ ଘଟଣା ନେଇ ପ୍ରଥମେ ଟ୍ରେଡ୍ ଆନାଲିଷ୍ଟ ଅତୁଲ ମୋହନ ସୋଶାଲ ମିଡିଆରେ ଜଣାଇଥିଲେ। ଖବରଟି ଜଣାପଡ଼ିବା ପରେ ବଲିଉଡ୍ ଜଗତରେ ଶୋକର ଛାୟା ଖେଳିଯାଇଛି।
#SadNews Hindi Film Actor #ImtiazKhan, Son of Veteran Actor Jayant, brother of late #AmjadKhan and husband of Gujarati Stage - Film and TV Actress Krutika Desai passed away today. He was seen in films like #YaadonKiBaaraat #Dharmatma #Dayavan. Our prayers with the family. pic.twitter.com/WmbkTS6NKK
— Atul Mohan (@atulmohanhere) March 16, 2020
ସୂଚନା ଅନୁସାରେ, ୭୮ ବର୍ଷୀୟ ଇମିତିଆଜଙ୍କ ସୋମବାର ହୃଦଘାତରେ ମୃତ୍ୟୁ ଘଟିଛି। ସେ ଚିରସବୁଜ ଚଳଚ୍ଚିତ୍ର ‘ଶୋଲେ’ର ଡାକୁ ଗବ୍ବର ସିଂ ଅର୍ଥାତ ଅମଜାଦ୍ ଖାନଙ୍କ ଭାଇ ଥିଲେ। ଇମତିଆଜ ‘ୟାଦୋ କି ବାରାତ୍’, ‘ନୁର୍ ଜାହାଁ’, ‘ଧର୍ମାତ୍ମା’ ଏବଂ ‘ଦୟାବାନ’ ଭଳି ଫିଲ୍ମ କରି ଲୋକପ୍ରିୟତା ହାସଲ କରିଥିଲେ। ସେହିପରି ଇମତିଆଜଙ୍କ ପତ୍ନୀ କୃତ୍ତିକା ଟିଭି ଜଗତର ଜଣେ ଲୋକପ୍ରିୟ ଅଭିନେତ୍ରୀ। ମେଗା ଧାରାବାହିକ ‘ଉତ୍ତରନ୍’ରେ ଉଚ୍ଚକୋଟୀର ଅଭିନୟ କରି ସେ ଘରେ ଘରେ ଖୁବ୍ ପରିଚିତା। ତେବେ ଇମତିଆଜ ଏବଂ କୃତ୍ତିକାଙ୍କ ଏକ ମାତ୍ର କନ୍ୟା ସନ୍ତାନ ହେଉଛନ୍ତି ଆୟାଶା ଖାନ। ଇମତିଆଜଙ୍କ ବିୟୋଗରେ ସାରା ବଲିଉଡ୍ ଶୋକ ବ୍ୟକ୍ତ କରୁଥିବାବେଳେ ସୋଶାଲ ମିଡିଆରେ ମଧ୍ୟ ବହୁ ବିଶିଷ୍ଟ ନିର୍ଦ୍ଦେଶକ, ସିନେ ସମୀକ୍ଷକ, ଅଭିନେତା, ନିର୍ମାତା ଶେଷ ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
