OR 
ମହାକାର୍ତ୍ତିକ ମାସର ଆଜି ହେଉଛି ପବିତ୍ର ଅଁଳା ନବମୀ ତିଥି। ଏହି ଦିନ ପୁରୀ ସାକ୍ଷୀଗୋପାଳ ସାକ୍ଷୀଗୋପୀନାଥ ମନ୍ଦିରରେ ଶ୍ରୀକୃଷ୍ଣଙ୍କ ନଟବର ବେଶ ଓ ରାଧାରାଣୀଙ୍କର ଓଡ଼ିଆଣୀ ବେଶ ହୋଇଛି। ପ୍ରଭୁଙ୍କ ଏହି ଦୁର୍ଲ୍ଲଭ ବେଶ ଦେଖିବା ପାଇଁ ଶ୍ରଦ୍ଧାଳୁଙ୍କର ପ୍ରବଳ ଭିଡ଼ ପରିକ୍ଷିତ ହୋଇଛି। ବର୍ଷକୁ ଥରେ ମାତ୍ର ରାଧାରାଣୀଙ୍କ ପାଦ ଦର୍ଶନର ସୁଯୋଗ ମିଳୁଥିବାରୁ ଏହାକୁ ହାତ ଛଡା କରିନଥିଲେ ଭକ୍ତଗଣ।
ଆଜି ବିଳମ୍ବିତ ରାତିରୁ ଦ୍ୱାର ଫିଟା ଯାଇ ସମସ୍ତ ନୀତିକାନ୍ତି କରାଯାଇଥିଲା। ରାଧାକୃଷ୍ଣଙ୍କୁ ବିବିଧ ସ୍ୱର୍ଣ୍ଣ ଯଥା - ସ୍ଵର୍ଣ୍ଣ କିରିଟ, ହାତରେ ସୁବର୍ଣ୍ଣ ବଂଶୀ, ଖଣ୍ଡୁଆ ପାଟ ବସ୍ତ୍ର, ପାଉଁଜି, ଝୁଣ୍ଟିଆ, କୁଣ୍ଡଳ, ଚାପସରି, ସେବତୀ ହାର, ନୋଥ, ଗୁଣା ଓ ଅଁଳା ହାର ଆଦି ଅଳଙ୍କାରରେ ବିଭୂଷିତ କରାଯାଇଥିଲା। ଏହି ବେଶରେ ରାଧାଙ୍କ ପାଦ ଦ୍ୱୟ ଦର୍ଶନ କଲେ ସମ୍ପୂର୍ଣ୍ଣ ହରି ପ୍ରାପ୍ତ ହେବାର ବିଶ୍ୱାସ ରହିଛି। ତେଣୁ ଏହି ଦିବ୍ୟ ବେଶ ଦେଖିବାକୁ ହଜାର ହଜାର ଭକ୍ତଙ୍କ ଗହଳି ଦେଖିବାକୁ ମିଳିଥିଲା।
Also Read
ଅନ୍ୟପକ୍ଷରେ ଭକ୍ତଙ୍କ ଶୃଙ୍ଖଳିତ ଦର୍ଶନ ପାଇଁ ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ଥ କରାଯାଇଛି। ଗହଳିକୁ ନଜରରେ ରଖି ବ୍ୟାରିକେଡ଼ ବ୍ୟବସ୍ଥା କରାଯାଇଛି। ସୁରକ୍ଷା ଦୃଷ୍ଟିକୋଣରୁ ୨୦ ପ୍ଲାଟୁନ୍ରୁ ଅଧିକ ପୁଲିସ ଫୋର୍ସ, ଅତିରିକ୍ତ ଏସ୍ପିଙ୍କ ସମେତ ବରିଷ୍ଠ ପୁଲିସ ଅଧିକାରୀ ଓ ଏକଜିକ୍ୟୁଟିଭ ମାଜିଷ୍ଟ୍ରେଟ୍ ଆଦି ମୁତୟନ କରାଯାଇଛି। ଏଥିସହ ସିସିଟିଭି ବ୍ୟବସ୍ଥା, ଡାକ୍ତରୀ ଟିମ, ଅଗ୍ନିଶମ ବାହିନୀ ଆଦି ମୁତୟନ କରାଯାଇଛି। ଆସନ୍ତା ୨୩ ତାରିଖରେ ବଡ଼ ଏକାଦଶୀ ପଡୁଥିବା ବେଳେ ସେଦିନ ମଧ୍ୟ ପ୍ରବଳ ଭକ୍ତଙ୍କ ସମାଗମ ହେବା ନେଇ ଆଶା କରାଯାଉଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
