କାଦୁଅରେ ହୋଲି ଖେଳ

ରାଉରକେଲା ଏନଆଇଟି ପରିସରରେ ଜମିଛି ରଙ୍ଗର ଉତ୍ସବ। ଏଠି ରଙ୍ଗ ନୁହେଁ, କାଦୁଅରେ ହୋଇଛି ହୋଲି ଖେଳ। ପରସ୍ପରକୁ କାଦୁଅ ଲଗାଇ ହୋଲିର ମଜା ନେଇଛନ୍ତି ଛାତ୍ରଛାତ୍ରୀ। ଏହି ମାଟିର ହୋଲି ଖେଳକୁ ଛାତ୍ରଛାତ୍ରୀମାନେ ଖୁବ୍ ମନଭରି ଉପଭୋଗ କରିଛନ୍ତି।

ଛୋଟରୁ ବଡ଼ ସମସ୍ତେ ହୋଲିରେ ଏକ ହୋଇ କାଦୁଆରେ ହୋଲି ଖେଳିଥିଲେ। NIT ରେ ପାଠ ପଢୁଥିବା ହଜାର ହଜାର ପିଲା ମାନେ ଆଜି ହୋଲି ଖେଳିଥିଲେ। ରାଜ୍ୟ, ଦେଶ ଓ ବିଦେଶର ବହୁ ଛାତ୍ର ଛାତ୍ରୀ ଆଜି କୂତ୍ରିମ କାଦୁଆ ପୋଖରୀ କରି ସେଥିରେ ହୋଲି ଖେଳିଥିଲେ। NITରେ ପାଠ ପଢୁଥିବା ଛାତ୍ରଛାତ୍ରୀ ମାନଙ୍କ ଘର ବହୁ ଦୂରରେ ଥିଲେ ମଧ୍ୟ ସେମାନେ ଘରକୁ ନଯାଇ ଏଠି କାଦୁଅରେ ହୋଲି ଖେଳି ବହୁତ ଖୁସିଅଛନ୍ତି। ରଙ୍ଗ, ଅବିରକୁ ଛାଡ଼ି କାଦୁଆରେ ପ୍ରଥମ ଥର ପାଇଁ ହୋଲି ଖେଳିଲେ ଛାତ୍ରଛାତ୍ରୀ।