ଦେଶବାସୀଙ୍କୁ ମୋଦି ଓ ଶାହଙ୍କ ବିଜୟା ଦଶମୀ ଶୁଭେଚ୍ଛା, "ଧର୍ମର ବିଜୟ ଶାସ୍ୱତ"

ମହାମାୟାଙ୍କ ନବରାତ୍ରୀର ଅନ୍ତିମ ପର୍ବ ବିଜୟା ଦଶମୀରେ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହ। ଏକ୍ସ(ପୂର୍ବର ଟ୍ୱିଟର)ରେ ପୋଷ୍ଟ ଶେଆର୍ କରି ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ଶାହ ଓ ମୋଦି। 

ପ୍ରଧାନମନ୍ତ୍ରୀ ଏକ୍ସ ପୋଷ୍ଟରେ ଲେଖିଛନ୍ତି, "ବିଜୟା ଦଶମୀ ଅବସରରେ ସମଗ୍ର ଦେଶର ମୋ ପରିବାର ସଦସ୍ୟଙ୍କୁ ଶୁଭେଚ୍ଛା। ଏହି ପବିତ୍ର ପର୍ବ ନକାରାତ୍ମକ ଶକ୍ତିର ଅନ୍ତ କରିବା ସହ ଜୀବନରେ ଉତ୍ତମତା ଗ୍ରହଣ କରିବାର ବାର୍ତ୍ତା ଆଣିଥାଏ। ଆପଣ ସମସ୍ତଙ୍କୁ ବିଜୟା ଦଶମୀର ଶୁଭେଚ୍ଛା ଜଣାଉଛି!" 

ଗୃହମନ୍ତ୍ରୀ ଅମିତ ଶାହା ମଧ୍ୟ ଶୁଭେଚ୍ଛା ଜଣାଇ କହିଛନ୍ତି, "ବିଜୟା ଦଶମୀ"ରେ ସମସ୍ତଙ୍କୁ ଶୁଭେଚ୍ଛା। ଅଧର୍ମର ଅନ୍ଧକାର ଯେତେ ଘନ ହେଉନା କାହିଁକି, ସତ୍ୟ ଉପରେ ଆଧାରିତ ଧର୍ମର ବିଜୟ ଶାସ୍ୱତ। ପାପ ଉପରେ, 'ବିଜୟା ଦଶମୀ' ହେଉଛି ଏକ ପର୍ବ ଯାହା ଆମକୁ ସର୍ବଦା ଜ୍ଞାନ ଏବଂ ସତ୍ୟର ପଥ ଅନୁସରଣ କରିବାକୁ ପ୍ରେରଣା ଯୋଗାଇଥାଏ ଏବଂ ଶିକ୍ଷା ଦିଏ। ଭଗବାନ ଶ୍ରୀ ରାମ ସମସ୍ତଙ୍କୁ ଆଶୀର୍ବାଦ କରନ୍ତୁ। ଜୟ ଶ୍ରୀ ରାମ!"

ଚଳିତ ବର୍ଷ ଦୁର୍ଗା ପୂଜାର ଆଜି ଅନ୍ତିମ ଦିନ। ଏହି ଦିନରେ ରାବଣ ପୋଡି ଅନୁଷ୍ଠିତ ହୁଏ। ସମାଜରେ ଶାନ୍ତି ସ୍ଥାପନା ଏବଂ ଅଧର୍ମ ଉପରେ ଧର୍ମର ବିଜୟ ବାର୍ତ୍ତା ନେଇ ରାବଣ ପୋଡି ପାଳନ କରାଯାଏ।