ଆଜି ହେଉଛି ପବିତ୍ର ଛଟ ପୂଜାର ଅନ୍ତିମ ଦିନ । ଚାରି ଦିନ ଧରି ଅନୁଷ୍ଠିତ ହେଉଥିବା ପୂଜା ଆଜି ସମାପନ ହେଉଛି। ଏହି ଅବସରରେ ଛଟ୍ ବ୍ରତଧାରୀ ବହୁ ଆସ୍ଥା ଓ ନିଷ୍ଠାର ସହ ମାତା ଛଟିଙ୍କ ପୂଜା କରିଥାନ୍ତି।
ପ୍ରକୃତି ରୁ ମିଳୁଥିବା ସମସ୍ତ ଫଳ ମୂଳ ଦେଇ ମାତା ଛଟିଙ୍କ ପୂଜା କରାଯାଇଥାଏ । ଆଜି ଅନ୍ତିମ ଦିନରେ ଉଦୟଗାମୀ ସୂର୍ଯ୍ୟଙ୍କୁ ଅର୍ଘୀୟ ଦେଇ ପୂଜା ସମ୍ପନ୍ନ କରୁଛନ୍ତି ବ୍ରତଧାରୀ । ତେବେ ବିଶ୍ୱାସ ରହିଛି ମାତା ଛଟିଙ୍କୁ ଯାହା ମାଗିଲେ ତାହା ପୂର୍ଣ୍ଣ ହୋଇଥାଏ ।
ଛଟ୍ ବ୍ରତଧାରୀ ମହିଳାମାନେ ପୂଜାର୍ଚ୍ଚନା କରୁଛନ୍ତି। Also Read
ଏହି ଅବସରରେ ବ୍ରତଧାରୀମାନେ ସୂର୍ଯ୍ୟଙ୍କ ଠାରେ ଫଳ ଲାଗି କରିବା ସହ ଗୁଡ ଓ ବେସନରେ ତିଆରି ଠେକୁଆ ପ୍ରସ୍ତୁତ କରି ପୂଜା କରିଛନ୍ତି। ଏହି ପୂଜା ସହ ସମାପନ ହେବ ବ୍ରତ। ବିହାର ବାସୀଙ୍କ ଗଣପର୍ବ ଭାବରେ ପରିଚିତ ଛଟ୍ ପୂଜାକୁ ଦେଶର ବିଭିନ୍ନ ସ୍ଥାନରେ ମଧ୍ୟ ପାଳନ କରାଯାଉଛି।
ରାଉରକେଲା ସହର ରେ ଏଥି ପାଇଁ ହୋଇଛି ସ୍ଵତନ୍ତ୍ର ଆୟୋଜନ । ସହର ରେ ୪୦ ଟି ଘାଟ ରେ ପୂଜା ଚାଲିଛି । ଏଥିସହ କଟକର ବିଭିନ୍ନ ଘାଟରେ ସକାଳୁ ଛଟ୍ ବ୍ରତଧାରୀଙ୍କ ଭିଡ଼ ଜମିଥିବା ଦେଖିବାକୁ ମିଳିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
