କେଉଁ ଦିନ ପାଳନ ହେବ କାଳୀପୂଜା? କେଉଁ ଦିନ ପାଳିବେ ଦୀପାବଳି ଓ ପୟାଶ୍ରାଦ୍ଧ? ରାଜ୍ୟରେ ପ୍ରଚଳିତ ଭିନ୍ନ ଭିନ୍ନ ପଞ୍ଜିକା ଓ କ୍ୟାଲେଣ୍ଡରରେ ଉଭୟ ପର୍ବ ପାଳନର ଦିନ ଅଲଗା ଅଲଗା ଥିବାରୁ ଏହାକୁ ନେଇ ଜନସାଧାରଣଙ୍କ ମଧ୍ୟ ଦେଖାଦେଇଛି ଦ୍ୱନ୍ଦ୍ୱ। ରାଜ୍ୟର କିଛି ଭାଗରେ ଲୋକେ ଅକ୍ଟୋବର ୩୧ ଗୁରୁବାର ହିଁ କାଳୀପୂଜା ସାଙ୍ଗକୁ ଦୀପାବଳି ଓ ପୟାଶ୍ରାଦ୍ଧ ପାଳନ କରିବାକୁ ଯାଉଛନ୍ତି।
ଦୀପାବଳି ଓ ପୟାଶ୍ରାଦ୍ଧର ଭିନ୍ନ ତିଥିକୁ ନେଇ ସ୍ପଷ୍ଟ ମତ ରଖିଛନ୍ତି ବରିଷ୍ଠ ଜ୍ୟୋତିର୍ବିଦ, ପଣ୍ଡିତ ତଥା ପଞ୍ଜିକା ଗଣନାକାରୀ। ପୁରୀର ପଣ୍ଡିତ ହରିଶଙ୍କର
ପୁରୀ କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟର ଜ୍ୟୋତିଷ ବିଷାରଦଗଣ ସମାନ ମତ ପୋଷଣ କରିଥିଲେ ବି ପୟାଶ୍ରାଦ୍ଧ ଉତ୍ସବକୁ ଉଭୟ ଅକ୍ଟୋବର ୩୧ ଏବଂ ନଭେମ୍ବର ୧ରେ ପାଳନ କରାଯାଇପାରିବ ବୋଲି ମତ ରଖିଛନ୍ତି। କିନ୍ତୁ ୧ ତାରିଖରେ ପୟାଶ୍ରାଦ୍ଧ ପାଳନ ଓ ପିତୃପୁରୁଷଙ୍କୁ ଦୀପଦାନ ଅଧିକ ଫଳପ୍ରଦ ବୋଲି ମତ ପ୍ରକାଶ ପାଇଛି। ଶ୍ରୀମନ୍ଦିରରେ ୧ ତାରିଖ ଶୁକ୍ରବାର ଦିନ ପାଳନ ହେବ ଦୀପାବଳି ଅମାବାସ୍ୟା।