ସାଧାରଣତଃ ଲୋକେ ଆଳୁର ବ୍ୟବହାର କେବଳ ତରକାରୀରେ ବ୍ୟବହାର କରନ୍ତି। ହେଲେ ଆମେ ଆପଣଙ୍କୁ ଆଜି ଜଣାଇବୁ ଆଳୁରୁ କିପରି ହାଲୁଆ ହୋଇପାରିବ ? ଖାସ କରି ଆପଣ ଏହାକୁ ବ୍ରତ ଓ ଉପବାସ ଥିବା ସମୟରେ ବନାଇପାରିବେ। ଆସନ୍ତୁ ଜାଣିବା ଆଳୁ ହାଲୁଆ ବନାଇବାର ପ୍ରକ୍ରିୟା।
ଆବଶ୍ୟକ ସାମଗ୍ରୀ: ମଧ୍ୟମ ଆକାରର 4ଟି ଆଳୁ, ଆବଶ୍ୟକ ଅନୁଯାୟୀ ଚିନି, ଦୁଇ ଚାମଚ ଗାଈ ଘିଅ, ଦୁଇ ଚାମଚ ଫ୍ରେସ୍ କ୍ରିମ୍, ଅଦା, ଏକ ଚାମଚ ଡାଲଚିନି ପାଉଡର, କଟା ଆଲମଣ୍ଡ, କିସମିସ୍ ଓ କଟା କାଜୁ।
ପ୍ରସ୍ତୁତି ପ୍ରଣାଳୀ:
ପ୍ରଥମେ କିଛି ଆଳୁ ସିଝାନ୍ତୁ। ଆଳୁ ସିଝିଲା ପରେ ଚୋପା ଛଡାଇ ତାକୁ ଭଲଭାବରେ ଚକଟି ଦିଅନ୍ତୁ। ପରେ କଡ଼େଇରେ ଗାଈ ଘିଅ ପକାଇ ଗରମ କରନ୍ତୁ। ସେଥିରେ ଚକଟା ହୋଇଥିବା ଆଳୁକୁ ପକାଇ ଘିଅ ନ ଛାଡିବା ପର୍ଯ୍ୟନ୍ତ ମଧ୍ୟମ ଆଞ୍ଚରେ ଭାଜନ୍ତୁ। ପରେ ଚିନି ଓ ଫ୍ରେସ୍ କ୍ରିମ ପକାଇ ଏହା ସମ୍ପୂର୍ଣ୍ଣ ମିଶିବା ଯାଏଁ ଗୋଳାନ୍ତୁ। ପରେ ଏଥିରେ କଟା କାଜୁ, ବାଦାମ, କିସ୍ମିସ୍ ଓ ଡାଲଚିନି ପାଉଡ ପକାଇ ଦୁଇ ମିନିଟ ଯାଏଁ କଷନ୍ତୁ । ଧ୍ୟାନ ରଖନ୍ତୁ, ଯେପରି ଆଳୁ କଡେଇରେ ଲାଗି ନ ଯାଏ। ଦୁଇ ମିନିଟ ପରେ ଗ୍ୟାସ୍ ବନ୍ଦ କରିଦିଅନ୍ତୁ। ପ୍ରସ୍ତୁତ ହୋଇଗଲା ଆଳୁ ହାଲୁଆ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
