ଇଡ୍ଲି ଖାଇବାକୁ ସମସ୍ତଙ୍କୁ ଭଲ ଲାଗିଥାଏ। ବ୍ରେକ୍ଫାଷ୍ଟରେ ଇଡ୍ଲି ସହ ଘୁଘୁନି ଓ ସସ୍ ଖାଇବାର ମଜା ଅଲଗା। କିଛି ଲୋକ ଇଡ୍ଲି ସହ ଆଳୁଦମ୍ ମଧ୍ୟ ଖାଇବାକୁ ଭଲ ପାଇଥାନ୍ତି। ଆସନ୍ତୁ ଜାଣିବା ଚାଉଳ ଗୁଣ୍ଡ ଇଡ୍ଲିର ପ୍ରସ୍ତୁତ ପ୍ରଣାଳୀ।
ଆବଶ୍ୟକ ସାମଗ୍ରୀ
ଚାଉଳ ଗୁଣ୍ଡ, ଭୃସଙ୍ଗ ପତ୍ର, କଞ୍ଚାଲଙ୍କା, ଅଦା ଅଳ୍ପ, ଲୁଣ, ଖଟା ଦହି।
ପ୍ରସ୍ତୁତି ପ୍ରଣାଳୀ
ଦୁଇକପ୍ ଚାଉଳ ଗୁଣ୍ଡ, ଗୋଟେ କପ୍ ଦହି, ଅଳ୍ପ ଛେଚା ଅଦା, ଛୋଟ ଛୋଟ କଟା ଲଙ୍କା, ଭୃସଙ୍ଗ ପତ୍ର ଅଳ୍ପ ଏବଂ ଲୁଣକୁ ଏକାଠି ମିଶାନ୍ତୁ। ସେଥିରେ ଅଳ୍ପ ପାଣି ମିଶାନ୍ତୁ। ଏହି ମିଶ୍ରଣକୁ ୨୦ ମିନିଟ୍ ପର୍ଯ୍ୟନ୍ତ ଘୋଡାଇ ରଖନ୍ତୁ। ୨୦ ମିନିଟ୍ ପରେ ଇଡ୍ଲି ଛାଞ୍ଚରେ ଏହାକୁ ରଖି ଚୂଲାରେ ବସାନ୍ତୁ। ୩ ମିନିଟ୍ ପରେ ଏହାକୁ ବାହାର କରନ୍ତୁ। ନଜର ରଖିବେ, ଯେମିତି ଏହା ବହୁତ ନରମ ଲାଗେ। ଏହାପରେ ଘୁଘୁନି ହେଉ କି ଆଳୁଦମମ ଅବା ଟମାଟୋ କି ଚିଲି ସସ୍ ସହ ଖାଇବାର ମଜା ନିଅନ୍ତୁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
