ଓଡ଼ିଶା ରିପୋର୍ଟର୍: ଆପଣ ସୁଆଦିଆ ବାଇଗଣ କୋର୍ମାର ପ୍ରସ୍ତୁତି ପ୍ରଣାଳୀ ଜାଣିଛନ୍ତି କି ? ଯଦି ଜାଣିନାହାନ୍ତି, ତେବେ ଆଜି ହିଁ ଶିଖନ୍ତୁ।
ଆବଶ୍ୟକ ସାମଗ୍ରୀ: ବାଇଗଣ, ଟମାଟୋ, ପିଆଜ, ଅଦା ଓ ରସୁଣ ବଟା, ଗ୍ରୀନ ମଟର, କାଜୁ, ଚାରୁମଗଜ,ଦହି, କରି ପାଉଡ଼ର, ହଳଦି, କଞ୍ଚାଲଙ୍କା,ତେଲ, କ୍ରିମ୍, କଟା ଧନିଆ ପତ୍ର ଏବଂ ସ୍ୱାଦ ଅନୁଯାୟୀ ଲୁଣ।
ପ୍ରସ୍ତୁତି ପ୍ରଣାଳୀ: ପ୍ରଥମେ ବାଇଗଣକୁ ପୋଡ଼ି ତା’ର ଚୋପା ଛଡ଼ାଇ ଭଲଭାବରେ ଚକଟି ଦିଅନ୍ତୁ। କାଜୁ, ଚାରୁମଗଜ, ଦହି ଓ ଟମାଟୋକୁ ଭଲ ଭାବରେ ବାଟି ଦିଅନ୍ତୁ। ଏହା ସହ ଆବଶ୍ୟକ ଅନୁସାରେ, ପିଆଜ, ଅଦା ଓ ରସୁଣ ବାଟି ରଖନ୍ତୁ। ଏବେ କଡ଼େଇ ବସାଇ ତେଲ ଗରମ କରନ୍ତୁ।
ପ୍ରଥମେ ଏଥିରେ ବଟା ଅଦା, ପିଆଜ ଓ ରସୁଣ ବଟା ମସଲାକୁ ପକାଇ ଭଲ ଭାବରେ କଷନ୍ତୁ। ମସଲା ଟିକେ ଲାଲ୍ ପଡ଼ିଗଲେ, ସେଥିରେ ଟମାଟୋ ପେଷ୍ଟ୍, ହଳଦୀ ଗୁଣ୍ଡ, କରି ପାଉଡର୍ ଓ ସ୍ୱାଦ ଅନୁଯାୟୀ ଲୁଣ ପକାଇ ଆହୁରି କଷନ୍ତୁ।
କିଛି ସମୟ ପରେ ଗ୍ରୀନ୍ ମଟର୍ ଓ କଞ୍ଚା ଲଙ୍କା ପକାଇ ଭାଜନ୍ତୁ। ମସଲା ସମ୍ପୂର୍ଣ୍ଣ କଷି ହୋଇଗଲେ, ସେଥିରେ ଚକଟା ବାଇଗଣକୁ ପକାଇ ଦିଅନ୍ତୁ।
ଏସବୁ ଆଉ କିଛି ସମୟ କଷିବା ପରେ ଗ୍ୟାସ୍ ବନ୍ଦ କରି ସେଥିରେ ଧନିଆ ପତ୍ର ଓ କ୍ରିମ୍ ଦେଇ ରୁଟି ସହ ଗରମା ଗରମ ବାଇଗଣ କୋର୍ମାକୁ ପରଷନ୍ତୁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
